മുംബൈ: മഹാരാഷ്ട്രയിലെ ബദ്ലാപുരില്‍ നാല് വയസുള്ള രണ്ട് പെണ്‍കുട്ടികളെ സ്‌കൂളിലെ ശുചിമുറിയില്‍ വെച്ച് പീഡിപ്പിച്ച സംഭവത്തില്‍ കുറ്റാരോപിതനായ 24കാരന്റെ വീട് അടിച്ച് തകര്‍ത്ത് കുടുംബത്തെ ആക്രമിച്ച് ആള്‍ക്കൂട്ടം. അക്ഷയ് ഷിന്‍ഡെ എന്ന യുവാവിന്റെ വീട്ടിലേക്കെത്തിയ ആള്‍ക്കൂട്ടം വീട് അടിച്ച് തകര്‍ക്കുകയും വീട്ടുകാരെ ആക്രമിക്കുകയുമായിരുന്നു. സംഭവമറിഞ്ഞ് പൊലീസ് സ്ഥലത്ത് എത്തിയെങ്കിലും ആള്‍ക്കൂട്ടം യുവാവിന്റെ രക്ഷിതാക്കളും മുതിര്‍ന്ന സഹോദരനേയും ഈ വീട്ടിലേക്ക് കയറാന്‍ പോലും അനുവദിക്കാതെ വന്നതോടെ ഇവര്‍ക്ക് ഇവിടം വിട്ട് പോകേണ്ടി വരികയായിരുന്നു. അറസ്റ്റിലായ യുവാവിന്റെ ഭാര്യയും ഒന്നര വയസുള്ള മകനും ആക്രമണം നടക്കുന്ന സമയത്ത് വീട്ടിലുണ്ടായിരുന്നില്ല.
4 വയസുള്ള രണ്ട് പെണ്‍കുട്ടികളെ സ്‌കൂളിലെ ശുചിമുറിയില്‍ വെച്ച് പീഡിപ്പിച്ച സംഭവം; 24കാരന്റെ വീട് അടിച്ച് തകര്‍ത്തു; ആള്‍ക്കൂട്ടം കുടുംബത്തെ ആക്രമിച്ചു
