മാര്ച്ച് 11 മുതല് സംസ്ഥാന വ്യാകമായി സമരം തുടങ്ങുമെന്ന് ബസ് ഉടമകളുടെ മുന്നറിയിപ്പ്. സര്ക്കാര് ബസ് ചാര്ജ്ജ് വര്ധിപ്പിച്ചില്ലെങ്കില് സംസ്ഥാനത്ത് അനിശ്ചിതകാല ബസ് സമരം തുടങ്ങുമെന്ന് ബസ് ഉടമ രാധാകൃഷ്ണന് പെരിങ്ങളം പറഞ്ഞു.
സമരം തുടങ്ങാനുള്ള തീരുമാനം കോഡിനേഷന് കമ്മിറ്റി ഗതാഗത മന്ത്രിയെ അറിയിച്ചു. വിദ്യാര്ഥികളുടെ യാത്രാ നിരക്ക് വര്ധിപ്പിക്കുക, മിനിമം ബസ് ചാര്ജ് 10 രൂപയാക്കുക തുടങ്ങിയ ആവശ്യങ്ങള് ഉന്നയിച്ചാണ് ബസുടമകള് സമരം പ്രഖ്യാപിച്ചിരിക്കുന്നത്.
നേരത്തെ ഫെബ്രുവരിയില് സമരം നടത്താന് തീരുമാനിച്ചിരുന്നെങ്കിലും ഫെബ്രുവരി 23 നുള്ളില് പരിഹാരം കാണുമെന്ന് ചര്ച്ചയില് ഗതാഗതമന്ത്രി ബസുടമകള്ക്ക് ഉറപ്പ് നല്കിയതിനാല് പിന്വലിക്കുകയായിരുന്നു.
