ചൂലൂർ കുടുംബാരോഗ്യ കേന്ദ്രത്തിൽ ആൻ്റിബയോട്ടിക്കുകൾ നീലക്കവറിൽ നല്കുന്ന തിൻ്റെ ഉദ്ഘാടനം ജില്ലാ മെഡിക്കൽ ഓഫീസർ ഡോ. എൻ. രാജേന്ദ്രൻ നിർവ്വഹിച്ചു. ഗ്രാമപഞ്ചായത്ത് പ്രസിഡന്റ് ഓളിക്കൽ ഗഫൂർ അധ്യക്ഷത വഹിച്ചു. എ എം ആർ ജില്ലാ കോർഡിനേറ്റർ ഡോ. ജിനീഷ് വിഷയാവതരണം നടത്തി.സ്ഥിരം സമിതി അധ്യക്ഷന്മാരായ അഡ്വ.വി.പി.എ സിദ്ദിഖ്, പുഷ്പ എം.ടി. , റീന മാണ്ടിക്കാവിൽ , ഗ്രാമപഞ്ചായത്ത് അംഗങ്ങളായ വിദ്യുൽ ലത എം.കെ, മൊയ്തു പീടികക്കണ്ടി, മെഡിക്കൽ ഓഫീസർ ഡോ സ്മിത എ റഹ്മാൻ, ഹെൽത്ത് ഇൻസ്പെക്ടർ സിജു കെ. നായർപ്രസംഗിച്ചു. ആൻ്റിബയോട്ടിക്കുകളുടെ ദുരുപയോഗവും അമിത ഉപയോഗവും തടയുകയും സുരക്ഷിത ഉപയോഗത്തിന് ജനങ്ങളെ സജ്ജമാക്കുകയുമാണ് ഇതുകൊണ്ട് ലക്ഷ്യമിടുന്നത്. സ്വകാര്യ ഫാർമസികൾക്ക് ബോധവൽക്കരണ പോസ്റ്റർ വിതരണത്തിൻ്റെ ഉദ്ഘാടനവും നടത്തി. സ്വകാര്യ ഫാർമസിസ്റ്റുകൾ, ആശ പ്രവർത്തകർ, സന്നദ്ധ പ്രവർത്തകർ , ആശുപത്രി ജീവനക്കാർ ചടങ്ങിൽ പങ്കെടുത്തു.
ആൻ്റിബയോട്ടിക്കുകൾ നീലക്കവറിൽ നൽകി ചൂലൂർ കുടുംബാരോഗ്യ കേന്ദ്രം
