കിളിമാനൂര് : തിരുവനന്തപുരത്ത് പ്ലസ് വണ് വിദ്യാര്ഥിനിയെ പീഡിപ്പിച്ച കേസില് മൂന്നുപേര് പിടിയില്. മേലേ വെട്ടൂര് സ്വദേശി ഹുസൈന് (20), വെണ്കുളം സ്വദേശി രാഖില് (19), മാന്തറ സ്വദേശി കമാല് (18) എന്നിവരാണ് പിടിയിലായത്. ഇന്സ്റ്റഗ്രാം വഴിയാണ് പതിനാറുകാരി പ്രതിയെ പരിചയപ്പെടുന്നത്. കഴിഞ്ഞ ശനിയാഴ്ചയാണ് സംഭവം നടന്നത്. കേസിലെ ഒന്നാം പ്രതിയായ ഹുസൈനുമായി പെണ്കുട്ടി കുറച്ചു നാളായി സൗഹൃദത്തിലായിരുന്നു.
ശനിയാഴ്ച രാത്രി 12 മണിക്ക് ഹുസൈന് പെണ്കുട്ടിയോട് വീടിനു പുറത്തേക്ക് വരാന് ആവശ്യപ്പെട്ടു. താന് പുറത്തുണ്ടെന്നും കാണമെന്നും പ്രതി പെണ്കുട്ടിയോട് പറഞ്ഞു. ഇതനുസരിച്ച് പുറത്തേക്ക് എത്തിയ പെണ്കുട്ടിയെ ഹുസൈനും സുഹൃത്തുക്കളും ചേര്ന്ന് തട്ടി കൊണ്ടു പോകുകയായിരുന്നു. പെണ്കുട്ടിയെ ആളൊഴിഞ്ഞ റബ്ബര് പുരയിടത്തിലെ ഷെഡിലാണ് മൂന്ന് പേരും ചേര്ന്ന് എത്തിച്ചത്. ഇതിനിടയില് പ്രതികള് ബലമായി പെണ്കുട്ടിക്ക് മയക്കുമരുന്നും നല്കി. തുടര്ന്ന് പ്രതികള് മൂവരും പെണ്കുട്ടിയെ പീഡിപ്പിക്കുകയായിരുന്നു.
പീഡനത്തെ തുടര്ന്ന് പെണ്കുട്ടി ബോധരഹിതയായി. ഇതിന് ശേഷം പ്രതികള് സ്ഥലത്ത് നിന്ന് രക്ഷപെടുകയുമായിരുന്നു. പെണ്കുട്ടിയെ വീട്ടില് കാണാതായതോടെ മാതാപിതാക്കള് കിളിമാനൂര് പൊലീസില് പരാതി നല്കുകയും പൊലീസ് അന്വേഷണത്തില് പെണ്കുട്ടിയെ റബ്ബര് തോട്ടത്തില് കണ്ടെത്തി.
