കൊച്ചി: വൈറ്റിലയിലെ ആര്മി ഫ്ലാറ്റ് സമുച്ചയത്തില് ബലക്ഷയം. ഫ്ളാറ്റില് നിന്ന് അടിയന്തരമായി താമസക്കാരെ ഒഴിപ്പിക്കണമെന്ന് തൃപ്പൂണിത്തുറ നഗരസഭ പറഞ്ഞു. ജി.സി.ഡി.എയും തൃപ്പൂണിത്തുറ നഗരസഭയിലെ എന്ജിനിയറിങ് വിഭാഗവും നടത്തിയ പരിശോധന റിപ്പോര്ട്ടിലാണ് ഫ്ലാറ്റ് വാസയോഗ്യമല്ല എന്ന കണ്ടെത്തലുള്ളത്. ഫ്ലാറ്റിന്റെ ബലക്ഷയം അറ്റക്കുറ്റപണിയിലൂടെ പരിഹരിക്കാന് കഴിയില്ലെന്നും താമസക്കാരെ ഉടനെ ഒഴിപ്പിക്കണമെന്നും റിപ്പോര്ട്ടില് പറയുന്നു.
ആര്മി വെല്ഫയര് ഹൗസിംഗ് ഓര്ഗനൈസേഷന്റെ വൈറ്റിലയിലുള്ള ചന്ദീര്കുഞ്ച് ഫ്ലാറ്റിന്റെ ബലക്ഷയം അറ്റക്കുറ്റപ്പണിയിലൂടെ പരിഹരിക്കാന് കഴിയില്ലെന്നാണ് നഗരസഭയുടെ എന്ജിനിയറിങ് വിഭാഗം കണ്ടെത്തിയിരിക്കുന്നത്.ഫ്ലാറ്റിന്റെ ബീമുകള്ക്കും സ്ലാബുകള്ക്കും ഗുരുതരമായ ബലക്ഷയമുണ്ട്. നിര്മാണത്തിന് ഉപയോഗിച്ചിരിക്കുന്ന കോണ്ഗ്രീറ്റും കമ്പികളും തകര്ന്നു കഴിഞ്ഞു. ഫ്ലാറ്റിന്റെ നിലനില്പ്പ് തന്നെ അപകടത്തിലായ സാഹചര്യത്തില് താമസക്കാരെ അടിയന്തരമായി ഒഴിപ്പിക്കണമെന്ന് റിപ്പോര്ട്ടില് പറയുന്നു.
