ന്യൂഡല്ഹി: സന്ദര്ശക ഗാലറിയില് നിന്ന് രണ്ടുപേര് ലോക്സഭയിലെ നടുത്തളത്തിലേക്ക് ചാടിയ സംഭവത്തില് ഒരു സ്ത്രീയടക്കം നാലു പേരാണ് പിടിയിലായിട്ടുണ്ട്. അമോല് ഷിന്ഡേ, നീലം കൗര് എന്നിവരാണ് പിടിയിലായ രണ്ടുപേര്. സഭയ്ക്ക് അകത്ത് അതിക്രമം കാണിച്ച രണ്ടു പേരും പുറത്ത് അതിക്രമം കാട്ടിയ രണ്ടുപേരുമാണ് പിടിയിലായത്. മൈസൂര് ബിജെപി എംപി പ്രതാപ് സിംഗയുടെ പാസിലാണ് ഇവര് പാര്ലമെന്റിനകത്തു കടന്നത് എന്ന് സംശയം. സുരക്ഷാ പരിശോധനയില് അസ്വഭാവികമായി ഒന്നും കണ്ടെത്താന് ഉദ്യോഗസ്ഥര്ക്ക് സാധിച്ചില്ല. മൂന്നു പേരെ പിടികൂടിയത് എംപിമാരാണ്. അക്രമികളില് നിന്നും സ്മോക് സ്പ്രേയാണ് പിടിച്ചെടുത്തത്.
താനാ ശാഹി നഹി ചലേഗി എന്ന മുദ്രാവാക്യം വിളിച്ചായിരുന്നു പ്രതിഷേധം. ഏകാധിപത്യം നടക്കില്ലെന്ന് വിളിച്ചു പറയുന്നുണ്ടായിരുന്നു.
