സഞ്ചാര സ്വാതന്ത്ര്യം നിഷേധിച്ചും ജനനേതാക്കളെയും ജനങ്ങളെയും തടവിലിട്ടും ജനാധിപത്യ പ്രതിഷേധം ഇല്ലാതാക്കാമെന്ന് കേന്ദ്ര ഭരണ നേതൃത്വം വ്യാമോഹിക്കരുതെന്ന് മുഖ്യമന്ത്രി.
അടിയന്തരാവസ്ഥയില് പോലും ഇല്ലാതിരുന്ന അമിതാധികാര പ്രവണതയാണ് എന് ഡി എ സര്ക്കാര് കാണിക്കുന്നത്. നിരോധനാജ്ഞയും യാത്രാസൗകര്യനിഷേധവും അറസ്റ്റും കസ്റ്റഡിയും അടിച്ചമര്ത്തലും കൊണ്ട് ഒരു ജനകീയ പ്രക്ഷോഭവും തോറ്റു പോയ ചരിത്രമില്ല. ഭയപ്പെടുത്തി ഇല്ലാതാക്കാവുന്നതാണ് ജനങ്ങളുടെ രോഷം എന്ന് കരുതുന്നത് മൗഢ്യമാണെന്നും അദ്ദേഹം പറഞ്ഞു.
ഇടത് പാര്ട്ടികളും ജാമിയ മിലിയ വിദ്യാര്ഥികളും നടത്താനിരുന്ന മാര്ച്ചിന് അനുമതി നിഷേധിച്ചത് ഇന്ത്യന് ഭരണഘടന പൗരന് നല്കുന്ന സ്വാതന്ത്ര്യത്തിനു നേരെയുള്ള കടന്നാക്രമണമാണ്. ഇപ്പോള് ഇടതുപക്ഷ പാര്ട്ടി നേതാക്കളെ അറസ്റ്റു ചെയ്തിരിക്കുന്നു. സമരം ചെയ്യുന്നവരെയാക്കെ അറസ്റ് ചെയ്യുന്നു. ഭീഷണിപ്പെടുത്തുന്നു. രാജ്യത്തെ സുപ്രധാന സര്വ്വകലാശാലകളെയും വിദ്യാര്ത്ഥികളെയും ആക്രമിക്കുന്നത് അവസാനിപ്പിക്കണം. ഭരണഘടനാ മൂല്യങ്ങളെയും പൗരാവകാശങ്ങളെയും ചവിട്ടിത്തേച്ചു മുന്നോട്ടു പോകാന് കേന്ദ്ര സര്ക്കാര് ശ്രമിക്കരുത എന്നും മുഖ്യമന്ത്രി പറഞ്ഞു.
