കോഴിക്കോട്: കോഴിക്കോട് ഫറോക്കിൽ ലൈസൻസ് സസ്പെൻഡ് ചെയ്ത ഡ്രൈവർ വാഹനം ഓടിച്ചതിന് നടപടി സ്വീകരിച്ച് മോട്ടോർവാഹന വകുപ്പ്. Floreat ഇന്റർ നാഷണൽ സ്കൂളിന്റെ ഡ്രൈവർ കണ്ണന്റെ ലൈസൻസ് ഒരു മാസം മുമ്പ് മോട്ടോർ വാഹന വകുപ്പ് സസ്പെൻഡ് ചെയ്തിരുന്നു. ട്രാഫിക് നിയമ ലംഘനത്തിനായിരുന്നു അന്ന് നടപടി ഉണ്ടായത്. ഇയാൾ തന്നെ വീണ്ടും ബസ് ഓടിക്കുന്നത് ശ്രദ്ധയിൽ പെട്ടതോടെ മോട്ടോർ വാഹന വകുപ്പ് ഡ്രൈവറെ വാഹനത്തിൽ നിന്ന് പുറത്തിറക്കി. തുടർന്ന് മോട്ടോർ വാഹന വകുപ്പ് ഉദ്യോഗസ്ഥർ തന്നെ ഇതേ വാഹനത്തിൽ കുട്ടികളെ വീട്ടിൽ എത്തിക്കുകയായിരുന്നു. സംഭവത്തിൽ ഡ്രൈവർക്ക് 5000 രൂപയും സ്കൂളിന് 5000 രൂപയും പിഴ ചുമത്തി.
ലൈസൻസ് ഇല്ലാതെ സ്കൂൾ ബസ് ഓടിച്ചു:ഡ്രൈവർക്കെതിരെ നടപടി എടുത്ത് മോട്ടോർ വാഹന വകുപ്പ്
