കോട്ടയം ജില്ലാ ജനറൽ ആശുപത്രി പ്രസവ വാർഡിന്റെ മേൽക്കൂരയിൽ നിന്നും സിമൻറ് പാളി അടർന്നു വീണു; രോഗികൾ രക്ഷപ്പെട്ടത് തലനാരിഴയ്ക്ക്

കോട്ടയം ജില്ലാ ജനറൽ ആശുപത്രിയുടെ പ്രസവ വാർഡായ നാലാം വാർഡിന്റെ മേൽക്കൂരയിൽ നിന്ന് സിമന്റ് പാളി അടർന്ന് വീണു . ഇന്ന് രാവിലെ 10 മണിയോടെയായിരുന്നു സംഭവം.പ്രസവശേഷം സ്ത്രീകളെ അഡ്മിറ്റ് ചെയ്യുന്ന വാർഡാണ് നാലാം വാർഡിലേക്കുള്ള നടയുടെ മുകളിലത്തെ സിമൻറ് പാളിയാണ് അടർന്നു വീണത്. രോഗികൾ പരിക്കേൽക്കാതെ രക്ഷപ്പെട്ടു. വാർഡിൽ ക്ലീനിങ് നടക്കുകയായിരുന്നതിനാൽ നിരവധി സ്ത്രീകൾ ഈ സമയം വരാന്തയിൽ ഉണ്ടായിരുന്നു. കാലപ്പഴക്കം ചെന്ന കെട്ടിടത്തിന്റെ പല ഭാഗത്ത് നിന്നും ഇത്തരത്തിൽ പ്ലാസ്റ്ററിംഗ് അടർന്നു വീഴുന്നത് ജീവനക്കാരെ അടക്കം ആശങ്കയിലാഴ്ത്തുന്നുണ്ട്.