കോഴിക്കോട്: മാരക മയക്കുമരുന്നായ എംഡിഎംഎയുമായി തലയാട് ഒരാൾ പിടിയിൽ. തലയാട് സ്വദേശി ഹർഷാദ് (36) ആണു പിടിയിലായത്. ഹർഷാദിന്റെ പക്കൽ നിന്നും 0.29 ഗ്രാം എംഡിഎംഎയും വിൽപനയ്ക്കു വേണ്ടി ഉപയോഗിക്കുന്ന ഇലക്ട്രോണിക് ത്രാസും പിടിച്ചെടുത്തിട്ടുണ്ട്.
തലയാട് ഭാഗത്ത് എംഡിഎംഎ വിതരണം ചെയ്യുന്നവരിൽ പ്രധാന കണ്ണിയാണ് ഹർഷാദ്. ബാലുശേരി എസ്ഐ റഫീഖിന്റെ നേതൃത്തില് നടത്തിയ പരിശോധനയിലാണു ഇയാൾ പിടിവീണത്. എസ്സിപിഒമാരായ അജിത്ത് കുമാർ, ഷാലിമ എന്നിവരും പൊലീസ് സംഘത്തിലുണ്ടായിരുന്നു. തലയാട് ഭാഗത്ത് പരിശോധന കർശനമായി തുടരുമെന്നു പൊലീസ് പറഞ്ഞു.
