ഓരോ തവണ അമ്മ സംഘടനയുടെ വാർഷിക പൊതുയോഗം കഴിയുമ്പോഴും സമൂഹമാധ്യമങ്ങളിൽ നിറയുന്ന ചിത്രങ്ങളിൽ മലയാളികളുടെ അഭിമാനതാരമായ മമ്മൂട്ടിയും മോഹൻലാലും നിറഞ്ഞുനിൽക്കുക പതിവാണ്. എന്നാൽ ഇത്തവണത്തെ നടനും സംവിധായകനുമായ ബാബുരാജ് ഷെയർ ചെയ്ത ചിത്രങ്ങളാണ് ഇപ്പോൾ ശ്രദ്ധ നേടുന്നത്. അബു സലിമിനും ബാബുരാജിനുമൊപ്പം പോസ് ചെയ്യുന്ന മമ്മൂട്ടിയെ ആണ് ചിത്രത്തിൽ കാണാനാവുക. ‘മമ്മുക്കയുടെ പ്രിയപ്പെട്ട രണ്ടു ഗുണ്ടകൾ’ എന്നാണ് ബാബുരാജ് ചിത്രത്തിനു ക്യാപ്ഷൻ നൽകിയിരിക്കുന്നത്.
ഇതാരാ മമ്മൂക്കയ്ക്ക് ഒപ്പം കമ്മത്ത് ആൻഡ് കമ്മത്തിലെ ഗോപിയും ഭീഷ്മപർവത്തിലെ ശിവൻകുട്ടിയുമല്ലേ? എന്നാണ് ആരാധകർ ചിത്രത്തിനു താഴെ കമന്റു ചെയ്യുന്നത്. ആ നടുവിൽ നിൽക്കുന്ന ചെക്കനേതാ, സാറൻമാര് എന്താ കോളേജ് പയ്യനുമായിട്ട്, ഈ കോമ്പോയിൽ ഒരു പടം വന്നാൽ കിടുക്കും എന്നിങ്ങനെ നിരവധി കമന്റുകൾ ആണ് വരുന്നത്.
