ഐപിഎല്ലില് നിര്ണായക മത്സരത്തില് കാലിടറലോടെ ഡെല്ഹി. ഗ്രൂപ്പ് തല മത്സരങ്ങള് അവസാന ഘട്ടത്തോടടുക്കുമ്പോള് പ്ലേ ഓഫ് സാധ്യത നിലനിര്ത്താന് ഡെല്ഹി ക്യാപിറ്റല്സിന് വിജയം അനിവാര്യമാണെന്നിരിക്കേ എതിരാളികളായ മുംബൈ ഇന്ഡ്യന്സിനെതിരെ 20 ഓവറില് 9 വിക്കറ്റ് നഷ്ടത്തില് 110 റണ്സ് എടുക്കാനേ കഴിഞ്ഞുള്ളൂ. ശ്രേയസ് അയ്യര് 25 ഉം ഋഷഭ് പന്ത് 21 റണ്സെടുത്തു. മുബൈക്ക് വേണ്ടി ജസ്പ്രീത് ബുംറയും ട്രെന്റ് ബോള്ട്ടും 3 വിക്കറ്റ് വീതം വീഴ്ത്തി. ഇതോടെ വിക്കറ്റ് നേട്ടത്തില് റബാഡയെ പിന്തള്ളി ബുംറ ഒന്നാമതെത്തി.
14 പോയന്റോടുകൂടി ഡെല്ഹി മൂന്നാം സ്ഥാനത്താണുള്ളതെങ്കിലും 12 പോയന്റ് വീതമുള്ള പഞ്ചാബും രാജസ്ഥാനും വിജയിച്ചാല് ഡെല്ഹിയുടെ നില പരുങ്ങലിലാവും. മുംബൈ നിലവില് പ്ലേ ഓഫ് ഉറപ്പിച്ചിരിക്കുകയാണ്.