പോപ്പുലര് ഫ്രണ്ട് ഓഫ് ഇന്ത്യയ്ക്ക് (പിഎഫ്ഐ) കേന്ദ്ര സര്ക്കാര് ഏര്പ്പെടുത്തിയ വിലക്ക് കര്ണാടക ഹൈക്കോടതി ശരിവച്ചു.പോപ്പുലര് ഫ്രണ്ട് ഓഫ് ഇന്ത്യക്ക് നിരോധനം ഏര്പ്പെടുത്തിയ കേന്ദ്ര സര്ക്കാര് നടപടിയെ ചോദ്യം ചെയ്ത് സമര്പ്പിച്ച ഹര്ജി കര്ണാടക ഹൈക്കോടതി തള്ളുകയും ചെയ്തു. പി.എഫ്.ഐ. കര്ണാടക പ്രസിഡന്റായിരുന്ന നസീര് പാഷയാണ് കോടതിയെ സമീപിച്ചിരുന്നത്.സെപ്റ്റംബര് 28നാണ് പോപ്പുലര് ഫ്രണ്ടിനെയും അനുബന്ധ സംഘടനകളെയും അഞ്ചു വര്ഷത്തേക്കു വിലക്കി കേന്ദ്ര സര്ക്കാര് ഉത്തരവ് ഇറക്കിയത്. രാജ്യദ്രോഹ പ്രവര്ത്തനങ്ങളില് ഏര്പ്പെടുന്നു, ഭീകരവാദ സംഘടനകളുമായി ബന്ധം പുലര്ത്തുന്നു തുടങ്ങിയ കാരണങ്ങള് ചൂണ്ടിക്കാട്ടിയാണ് നടപടി.ഇത്തരമൊരു നിയമം ഉപയോഗിച്ച് നിരോധനം ഏര്പ്പെടുത്തുമ്പോള് അതിന് വ്യക്തമായ കാരണങ്ങള് അധികാരികള് ബോധ്യപ്പെടുത്തേണ്ടതുണ്ടെന്നും അതുണ്ടായില്ലെന്നും ഹര്ജിക്കാര് വാദിച്ചു.എന്നാല് നിരോധനം പ്രഖ്യാപിക്കുന്നതിന് ആവശ്യമായ കാരണങ്ങള് വിജ്ഞാപനത്തില് നല്കിയിട്ടുണ്ടെന്നും ഇതില് നിയമവിരുദ്ധമായി ഒന്നുമില്ലെന്നും കേന്ദ്ര സര്ക്കാരിന് വേണ്ടി ഹാജരായ സോളിസിറ്റര് ജനറല് തുഷാര് മേത്ത വ്യക്തമാക്കി.
പോപ്പുലര് ഫ്രണ്ട് ഓഫ് ഇന്ത്യയുടെ വിലക്കു ചോദ്യം ചെയ്തുള്ള ഹര്ജി തള്ളി കർണാടക ഹൈക്കോടതി
