രാജ്യത്ത് കോവിഡ് 19 വൈറസ് വ്യാപനത്തിൽ ആശങ്ക തുടരുകയാണ്. തുടർച്ചയായ രണ്ടാം ദിവസവും കോവിഡ് ബാധിതരുടെ എണ്ണം 7000 കടന്നു. കഴിഞ്ഞ 24 മണിക്കൂറിനുള്ളിൽ 7964 പുതുതായി രോഗം സ്ഥിരീകരിച്ചു. ഇതോടെ രോഗബാധിതരുടെ എണ്ണം 1,73,763 ആയി
ഇന്നലെ മാത്രം 265 പേർ മരണപ്പെട്ടു. മരണപ്പെട്ടവരുടെ എണ്ണത്തിലും ഇന്നലെയാണ് ഏറ്റവും അധികം ആളുകൾ രേഖപ്പെടുത്തുന്നത്. ഇതോടെ മരണപ്പെട്ടവരുടെ എണ്ണം 4,971 ആയി.
86,422 പേരാണ് ചികിത്സയിലുള്ളത്. കൊവിഡ് പ്രതിസന്ധി തുടരുന്ന സാഹചര്യത്തിൽ ലോക്ക് ഡൗൺ നീട്ടാനാണ് സാധ്യത. ഇത് സംബന്ധിച്ച് ഇന്ന് തീരുമാനം വന്നേക്കും. ഡൽഹിയിൽ വെള്ളിയാഴ്ച 82 മരണം. 1,106 പുതിയ രോഗികൾ. ഇത്രയധികം രോഗികളും മരണവും രാജ്യതലസ്ഥാനത്ത് ആദ്യമാണ്.
മഹാരാഷ്ട്രയിൽ 2,682 പുതിയ രോഗികളും 116 മരണവും. മരണം രണ്ടായിരം കടന്നു. ആകെ രോഗികൾ 62,000 കടന്നു.
