തിരുവനന്തപുരം: സംസ്ഥാനത്ത് ഇന്ന് രോഗം സ്ഥിരീകരിച്ച പത്ത് പേരിൽ മൂന്ന് പേർ ആരോഗ്യ പ്രവത്തകരും ഒരാൾ മാധ്യമ പ്രവർത്തകനും. മുഖ്യ മന്ത്രി പത്രസമ്മേളനത്തിലാണ് ഇക്കാര്യം വ്യക്തമാക്കിയത്. കാസർഗോഡ് പ്രവർത്തിച്ചിരുന്ന ദൃശ്യ മാധ്യമ പ്രവർത്തകനാണ് രോഗം സ്ഥിരീകരിച്ചെതെന്ന കാര്യം മുഖ്യ മന്ത്രി വ്യക്തമാക്കി.
സംസ്ഥാനത്ത് ഇന്ന് സ്ഥിരീകരിച്ച 10 പേരിൽ ആറ് പേർ കൊല്ലം ജില്ലയിലും, തിരുവനന്തപുരം കാസർകോട് ജില്ലകളിൽ രണ്ട് പേർക്കുമാണ് രോഗം സ്ഥിരീകരിച്ചത്. കൊല്ലത്തെ അഞ്ച് പേർക്ക് സമ്പർക്കത്തിലൂടെയാണ് രോഗം വന്നത്. ഒരാൾ ആന്ധ്രയിൽ നിന്നും വന്നതാണ്. തിരുവനന്തപുരത്ത് ഒരാൾ തമിഴ്നാട്ടിൽ നിന്നും വന്നതാണ്. കാസർകോട് രണ്ട് പേർക്ക് സമ്പർക്കത്തിലൂടെയാണ് വന്നത്. സംസ്ഥാനത്ത് 10 പേർക്ക് ഇന്ന് രോഗം ഭേദമായി. കണ്ണൂരും കോഴിക്കോടും കാസർകോടും മൂന്ന് പേർക്ക് വീതവും, പത്തനംതിട്ടയിൽ ഒരാൾക്കുമാണ് രോഗം ഭേദമായത് .
