പോപ്പുലര് ഫ്രണ്ട് ഓഫ് ഇന്ത്യക്ക് നിരോധനം.തുടര്ന്ന് പോപ്പുലര് ഫ്രണ്ടിനും അനുബന്ധ സംഘടനകള്ക്കും അഞ്ച് വര്ഷത്തേക്ക് നിരോധനം ഏര്പ്പെടുത്തി. സംഘടന ഓഫീസുകളിലും നേതാക്കന്മാരുടെ വസതികളിലും അടക്കം കേന്ദ്ര അന്വേഷണ ഏജന്സികള് തുടര്ച്ചയായി റെയ്ഡ് നടത്തുന്നതിനിടെയാണ് നിരോധനം.റിഹാബ് ഇന്ത്യ ഫൗണ്ടേഷന്, ക്യാമ്പസ് ഫ്രണ്ട് ഓഫ് ഇന്ത്യ, ഓള് ഇന്ത്യ ഇമാംസ് കൗണ്സില്, നാഷണല് കോണ്ഫഡറേഷന് ഓഫ് ഹ്യൂമന് റൈറ്റ്സ് ഓര്ഗനൈസേഷന്, നാഷണല് വിമന്സ് ഫ്രണ്ട്, ജൂനിയര് ഫ്രണ്ട്, എംപവര് ഇന്ത്യ ഫൗണ്ടേഷന്, റിഹാബ് ഫൗണ്ടേഷന് കേരള എന്നീ അനുബന്ധ സംഘടനകള്ക്കാണ് പോപ്പുലര് ഫ്രണ്ടിനൊപ്പം കേന്ദ്രം നിരോധനം ഏര്പ്പെടുത്തിയിട്ടുള്ളത്.അഞ്ച് വര്ഷത്തെ നിരോധനം തന്നെയാണ് എല്ലാ സംഘടനകള്ക്കും ഏര്പ്പെടുത്തിയിട്ടുള്ളത്. രാജ്യസുരക്ഷ, ക്രമസമാധാനം എന്നിവ കണക്കിലെടുത്താണ് പോപ്പുലര് ഫ്രണ്ടിന് നിരോധനം ഏര്പ്പെടുത്തിയതെന്നാണ് കേന്ദ്രം ഉത്തരവില് വ്യക്തമാക്കി. അതേസമയം പോപ്പുലര് ഫ്രണ്ടിനെ നിരോധിച്ചതിനെ വിമര്ശിച്ച് എസ് ഡി പി ഐ. നിരോധനം ഭരണഘടന ജനങ്ങൾക്ക് നൽകുന്ന അവകാശത്തെ ഇല്ലാതാക്കുന്നതാണെന്നും ബിജെപി സർക്കാരിന്റെ തെറ്റായ നടപടികളെ എതിർക്കുന്നവർക്കെതിരെ അറസ്റ്റും റെയ്ഡും നടക്കുന്നുവെന്നും എസ് ഡി പി ഐ ആരോപിച്ചു. ഭരണഘടന നൽകുന്ന അഭിപ്രായ, സംഘടന സ്വാതന്ത്ര്യവും സമരം ചെയ്യാനുള്ള സ്വാതന്ത്ര്യവും ഇല്ലാതാക്കുന്നുവെന്നും എസ് ഡി പി ഐ ആരോപിച്ചു.
പോപ്പുലര് ഫ്രണ്ട് ഓഫ് ഇന്ത്യക്ക് നിരോധനം ഏർപ്പെടുത്തി കേന്ദ്രസർക്കാർ,വിമര്ശിച്ച് എസ് ഡി പി ഐ
