നിലമ്പൂര് ഉപതിരഞ്ഞെടുപ്പിന് മുന്നോടിയായി മുന്നൊരുക്കം ഏകോപിപ്പിക്കാനുള്ള ചുമതല രാഷ്ട്രീയകാര്യ സമിതി അംഗം എ പി അനില്കുമാറിന് നല്കി. കെപിസിസി അധ്യക്ഷന് കെ സുധാകരന് നേതാക്കളുമായി കൂടിയാലോചന നടത്തിയ ശേഷമാണ് എ പി അനില് കുമാറിന് ചുമതല നല്കിയത്. മണ്ഡലത്തിലെ ഓരോ പഞ്ചായത്തുകളുടെ ചുമതലയും പ്രധാന നേതാക്കള്ക്ക് നല്കും.ഡിസിസി അധ്യക്ഷന് വി എസ് ജോയിയുടെ നേതൃത്വത്തില് വോട്ടുചേര്ക്കല് അടക്കമുള്ള പ്രവര്ത്തനങ്ങള് ആരംഭിച്ചിട്ടുണ്ട്. യുഡിഎഫ് നേട്ടമുണ്ടാക്കിയ പുതുപ്പള്ളി, പാലക്കാട്, തൃക്കാക്കര ഉപതിരഞ്ഞെടുപ്പുകളിലേതിന് സമാനമായി പ്രവര്ത്തനങ്ങള് മുന്നോട്ട് പോകണമെന്ന തീരുമാനത്തിലാണ് കെപിസിസി. ഏപ്രില് അവസാനമോ, മെയിലോ തിരഞ്ഞെടുപ്പ് നടക്കുമെന്ന കണക്കുകൂട്ടലിലാണ് മുന്നണികള്.
