ആവശ്യമായ കൊവിഡ് വാക്സീൻ ലഭ്യത കേരളത്തിന് ഉറപ്പാക്കാതെ തുടരെ വിമര്ശനങ്ങള് മാത്രം ഉന്നയിക്കുന്ന കേന്ദ്ര വിദേശകാര്യ സഹമന്ത്രി വി മുരളീധരൻ സ്വയം പരിഹാസ്യനാവുകയാണെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രന് അഭിപ്രായപ്പെട്ടു.
കേരളത്തിലെ ജനങ്ങളോട് എന്തെങ്കിലും ആത്മാര്ത്ഥയുണ്ടെങ്കില് കേന്ദ്ര സഹായം സംസ്ഥാനത്തിന് നല്കാന് നടപടി സ്വീകരിക്കണം
കേരളത്തിലെ പല വാക്സിനേഷന് കേന്ദ്രങ്ങളിലും ആവശ്യത്തിന് വാക്സീന് ഇല്ലെന്നതാണ് യാഥാര്ത്ഥ്യം. കേരളത്തിന് ആവശ്യമായ വാക്സീന് അടിയന്തരമായി ലഭ്യമാക്കണം. വാക്സീന് നയത്തിലൂടെ ഉയര്ന്ന വില നിശ്ചയിക്കാന് മരുന്നുനിര്മ്മാണ കമ്പനികള്ക്ക് അനുമതി നല്കിയ പ്രധാനമന്ത്രിയെ തിരുത്താനാണ് കേരളത്തില് നിന്നുള്ള ബിജെപി സഹമന്ത്രി ആദ്യം ശ്രമിക്കേണ്ടതെന്നും മുല്ലപള്ളി പറഞ്ഞു