പഠനത്തിൽ പല കാരണങ്ങളാൽ പിന്നാക്കം നിൽക്കുന്ന കുട്ടികളെ മറ്റുള്ളവർകൊപ്പം എത്തിക്കുക എന്ന ലക്ഷ്യത്തോടെ കുന്ദമംഗലം ഗ്രാമ പഞ്ചായത്തിൽ വിദ്യാഗ്രാമം പദ്ധതി തുടങ്ങി. ആദ്യഘട്ടത്തിൽ കുന്ദമംഗലം യു പി സ്കൂൾ, ചെത്ത് കടവിലെ ഈസ്റ്റ് എയുപി സ്കൂൾ, പിലാശ്ശേരി എ യു പി സ്കൂൾ, കാരന്തൂർ എ എംഎൽ പി സ്കൂളിലുമാണ് പദ്ധതി നടപ്പാക്കുന്നത്, പ്രൈമറി തലത്തിലെ
നൂറ് കുട്ടികൾക്കാണ് അവസരമൊരുക്കുന്നത്. പഠ നോപകരണങ്ങളും, മറ്റു ചിലവുകളും ഗ്രാമ പഞ്ചായത്ത് നൽകും.കുന്ദമംഗലം യു പി സ്ക്കൂളിൽ കേരള സ്കൂൾ മാത്തമാറ്റിക്സ് ഡയറക്ട്ടർ
കല്യാൺ ചക്രബർത്തി പദ്ധതി ഉദ്ഘാടനം ചെയ്തു. ഗ്രാമ പഞ്ചായത്ത് വൈസ് പ്രസിഡണ്ട്.വി അനിൽകുമാർ അധ്യക്ഷത വഹിച്ചു.കെ വിജയൻ പദ്ധതി വിശദീകരണം നടത്തി.ആരോഗ്യ വിദ്യാഭ്യാസ സ്ഥിരം സമിതി അധ്യക്ഷൻ ചന്ദ്രൻ തിരുവലത്ത്, ഗ്രാമ പഞ്ചായത്ത് അംഗം നജീബ് പാലക്കൽ ഡോ.അഖിലേഷ്, പി കോയ, യു പി സ്കൂൾ പ്രധാനധ്യാപിക എം കെ ലത, പി ടി എ പ്രസിഡണ്ട് ടി പി നിധീഷ്, ശ്രീ വിശാഖൻ എന്നിവർ പ്രസംഗിച്ചു.