കോട്ടയം: സംസ്ഥാനത്ത് ആരോഗ്യ പ്രവർത്തകർക്ക് കോവിഡ് സ്ഥിരീകരണം തുടരുന്നു. ഇന്ന് കോട്ടയം മെഡിക്കൽ കോളജ് ആശുപത്രിയിലെ രണ്ട് ഡോക്ടർമാർക്കും കാസർഗോഡ് നീലേശ്വരത്ത് ഒരു ഡോക്ടകർക്കും കൊവിഡ് സ്ഥിരീകരിച്ചു. കോട്ടയത്ത് ഗൈനക്കോളജി, പത്തോളജി വിഭാഗത്തിലെ ഡോക്ടർമാർക്കാണ് രോഗം സ്ഥിരീകരിച്ചത്. കഴിഞ്ഞ ദിവസം ഗൈനക്കോളജി വാർഡിലെ അഞ്ച് രോഗികൾക്ക് കൊവിഡ് സ്ഥിരീകരിച്ചിരുന്നു
ഇവരിൽ നിന്നാകാം പിജി ഡോക്ടർമാർക്ക് രോഗബാധയുണ്ടായതെന്ന് കരുതുന്നു. ഇതേ തുടർന്ന് നിരവധി ആരോഗ്യ പ്രവർത്തകർ നിരീക്ഷണത്തിലാണ്. അതേ സമയം ലാബ് ടെക്നീഷ്യന് കൊവിഡ് സ്ഥിരീകരിച്ചതിനെ തുടർന്ന് അടച്ചിട്ട നീലേശ്വരം എൻ കെ ബി എം സഹകരണാശുപത്രിയിൽ ജോലിചെയ്തിരുന്ന 15 പേരുടെ പരിശോധന ഫലത്തിന്റെ ഭാഗമായാണ് ഡോക്ടറും സ്റ്റാഫ് നഴ്സും അടക്കം നാലുപേർക്ക് കോവിഡ് സ്ഥിരീകരിചിരിക്കുന്നത് . ഇവരിൽ രണ്ടുപേർ ആശുപത്രിയിലും മറ്റ് രണ്ടുപേർ അവരവരുടെ വീടുകളിലും ക്വാറന്റൈനിൽ കഴിയുകയായിരുന്നു.
