കോഴിക്കോട് : ജില്ലയിൽ എലിപ്പനി ബാധിച്ച് നടക്കാവ് സ്വദേശിനി സാബിറ (39) മരണപ്പെട്ടു. മെഡിക്കല് കോളജിലെ ശുചീകരണ തൊഴിലാളിയാണ് സാബിറ. ശാരീരിക ബുദ്ധിമുട്ട് കാരണം കഴിഞ്ഞ ആഴ്ച ഇവർ കോവിഡ് പരിശോധന നടത്തിയെങ്കിലും പരിശോധന ഫലം നെഗറ്റീവായി. മറ്റ് പരിശോധനകള് നടത്തിയപ്പോഴാണ് എലിപ്പനി സ്ഥിരീകരിച്ചത്.
ഐ സി യുവിൽ ചികിത്സയിലിരിക്കെയാണ് ജീവനക്കാരി മരണപ്പെട്ടത്.
നിപ കാലത്തും മെഡിക്കല് കോളജില് ജോലി ചെയ്ത താത്കാലിക ജീവനക്കാരിയാണ് സാബിറ. ഇവരുടെ മരണം ഏറെ ആശങ്കയോടെയാണ് ആരോഗ്യ പ്രവത്തകർ കാണുന്നത്.ഇന്നലെയാണ് മരണം സംഭവിച്ചത്.
