ന്യൂഡല്ഹി: മുത്തലാഖ് ക്രിമിനല്ക്കുറ്റമാക്കിയത് ചോദ്യംചെയ്ത് സമര്പ്പിച്ച ഹര്ജി സുപ്രീംകോടതി പരിഗണിക്കും. ഇതുമായി ബന്ധപ്പെട്ട നിലപാട് അറിയിക്കാന് കേന്ദ്ര സര്ക്കാരിന് കോടതി നോട്ടീസയച്ചു.
സമസ്ത കേരള ജംഇയ്യത്തുല് ഉലമ നല്കിയ ഹര്ജിയിലാണ് സുപ്രീംകോടതിയുടെ നടപടി.
മൂന്നു തലാഖ് ചൊല്ലി വിവാഹബന്ധം വേര്പെടുത്തുന്നന് നിയമസാധുതയില്ലെന്ന് സുപ്രീംകോടതി വ്യക്തമാക്കിയതിനാല് ക്രിമിനല്ക്കുറ്റമാക്കേണ്ടതില്ലെന്നാണ് സമസ്തയുടെ വാദം. കഴിഞ്ഞ പാര്ലമെന്റ് സമ്മേളനത്തിലാണ് മുത്തലാഖ് ബില് ലോക്സഭയിലും രാജ്യസഭയിലും പാസാക്കി കേന്ദ്ര സര്ക്കാര് നിയമമാക്കിയത്. ക്രിമിനല് കുറ്റമാക്കിയത് ലിംഗനീതിക്കു വേണ്ടിയാണെന്ന് ബില് ലോക്സഭയിൽ പാസാക്കി രവിശങ്കര് പ്രസാദ് അവതാരവേളയിൽ പറഞ്ഞിരുന്നു.
