കോഴിക്കോട് : കഴിഞ്ഞ അഞ്ചു ദിവസങ്ങൾക്കു മുൻപ് ദുബായിൽ നിന്നും നാട്ടിലെത്തിയ കുന്ദമംഗലം പന്തീർപാടം കാരകുന്നുമ്മൽ സ്വദേശി കബീർ (52) മരണപ്പെട്ടു. കോഴിക്കോട് മെഡിക്കൽ കോളേജിൽ വെച്ചാണ് അന്ത്യം. ഇദ്ദേഹം ഐഐഎംകെ യിലെ കോവിഡ് നിരീക്ഷണ കേന്ദ്രത്തില്‍ കഴിയുകയായിരുന്നു.
ഇന്ന് രാവിലെ ദേഹാസ്വാസ്ഥ്യം അനുഭവപ്പെട്ട ഇദ്ദേഹം രക്തം ഛർദ്ദിച്ചതിനെ തുടർന്ന് കോഴിക്കോട് മെഡിക്കൽ കോളേജിൽ എത്തിക്കുകയായിരുന്നു. മരണകാരണം എന്തെന്ന് വ്യക്തമായിട്ടില്ല .
പരേതനായ മാമുക്കോയ ഹാജിയുടെ മകനാണ്. ഭാര്യ; മുബീന പതിമംഗലം, മക്കള്‍; നൂര്‍ബിന ഷെറിന്‍, ഷാഹിദ് നഹ്യാന്‍.
സഹോദരങ്ങള്‍ മുഹമ്മദ് (ബാവ ), സക്കീര്‍ ഹുസൈന്‍, അബ്ദുല്‍ ബാരി, നസീല
