ഓസ്ട്രേലിയന്‍ ഓള്‍റൗണ്ടര്‍ കാമറൂണ്‍ വൈറ്റ് (37) വിരമിച്ചു. മധ്യനിര ബാറ്റ്‌സ്മാനും ലെഗ് സ്പിന്നറുമായിരുന്ന വൈറ്റ് ഏകദിനത്തില്‍ 2005-ലാണ് അരങ്ങേറ്റം കുറിച്ചത്. പിന്നീട് ടി20, ടെസ്റ്റ് മത്സരങ്ങളും കളിച്ചു. ഇടക്കാലത്ത് ടി20 ടീമിന്റെ നായകനായി. 91 ഏകദിനങ്ങളില്‍ 2072 റണ്‍സും 12 വിക്കറ്റും നേടി. 47 ടി20 യില്‍ 984 റണ്‍സും ഒരു വിക്കറ്റും നേടി. നാലു ടെസ്റ്റുകളും കളിച്ചു. ഇന്ത്യന്‍ പ്രീമിയര്‍ ലീഗില്‍ ബാംഗ്ലൂര്‍ റോയല്‍ ചാലഞ്ചേഴ്‌സ്, ഡെക്കാന്‍ ചാര്‍ജേഴ്‌സ് ടീമുകള്‍ക്കുവേണ്ടി കളിച്ചു. പ്രൊഫഷണല്‍ ക്രിക്കറ്റില്‍ നിന്ന് വിരമിച്ച് പരിശീലനത്തിലേക്ക് മാറുകയാണെന്ന് അദ്ദേഹം അറിയിച്ചു.
ഓസ്ട്രേലിയന്‍ ഓള്‍റൗണ്ടര്‍ കാമറൂണ്‍ വൈറ്റ് വിരമിച്ചു
