പത്തനംതിട്ട : കഴിഞ്ഞ ദിവസം വരെ സംസ്ഥാനത്തിനേറെ ആശങ്ക പുലർത്തിയിരുന്ന 62 കാരിയായ പത്തനംതിട്ട സ്വദേശിയുടെ ഇരുപതാമത്തെ പരിശോധന ഫലം നെഗറ്റീവ്. ഇതോടെ ജില്ലയ്ക്ക് നേരിയ ആശ്വാസമായി. ഒരിക്കൽ കൂടി ഇവരുടെ സ്രവം പരിശോധനയ്ക്ക് അയക്കും തുടർന്ന് നെഗറ്റീവ് ആവുകയാണെങ്കിൽ രോഗിക്ക് ആശുപത്രി വിടാം.
രണ്ടു ദിവസം മുൻപ് രോഗ ബാധിതയായ രോഗിയുടെ മകളുടെ ഫലം നെഗറ്റീവ് ആവുകയും ആശുപത്രി വിടുകയും ചെയ്തിരുന്നു. അടുത്ത ഫലവും അനുകൂലമാകുമെന്ന പ്രതീക്ഷയിലാണ് ആരോഗ്യ പ്രവർത്തകർ. തുടർച്ചയായി 19 ടെസ്റ്റുകൾ പോസിറ്റീവ് ആയ രോഗിയുടെ കാര്യത്തിൽ ആരോഗ്യ വകുപ്പ് ആശങ്ക പ്രവർത്തിച്ചിരുന്നു.
