നവീൻ ബാബുവിന്റെ മരണവുമായി ബന്ധപ്പെട്ട കേസിൽ മുൻകൂർ ജാമ്യാപേക്ഷ വൈകുന്നതിനാൽ പി പി ദിവ്യ ഒളിവിലെന്ന് സൂചന. ചോദ്യം ചെയ്യലിന് പൊലീസ് ശ്രമം തുടങ്ങിയതോടെയാണ് നീക്കം. പി.പി ദിവ്യയുടെ മുന്കൂര് ജാമ്യാപേക്ഷതലശ്ശേരി സെഷന്സ് കോടതി ഇന്ന് പരിഗണിച്ചേക്കില്ലെന്നാണ് വിവരം. അതെ സമയം, ദിവ്യക്ക് പോലീസ് സാവകാശം നൽകുന്നുവെന്ന വിമർശനം ശക്തമാണ്.
കെ നവീന് ബാബുവിന്റെ മരണത്തില് മുന്കൂര് ജാമ്യം തേടി മുന് ജില്ലാ പഞ്ചായത്ത് പ്രസിഡന്റ് പി പി ദിവ്യ സമര്പ്പിച്ച ഹര്ജിയില് നവീന്റെ കുടുംബം കക്ഷിചേരുമെന്നാണ് വിവരം. നവീന് ബാബുവിന്റെ മരണത്തിലേക്ക് നയിച്ചത് പി പി ദിവ്യയാണെന്ന് കുടുംബം കോടതിയെ അറിയിക്കും. ദിവ്യക്കൊപ്പം കണ്ണൂര് ജില്ലാ കളക്ടര് അരുണ് കെ വിജയനെ കൂടി അന്വേഷണ പരിധിയിലേക്ക് കൊണ്ടു വരണമെന്ന ആവശ്യത്തില് തന്നെയാണ് നവീന് ബാബുവിന്റെ കുടുംബവും സിപിഐഎം പത്തനംതിട്ട ജില്ലാ കമ്മിറ്റിയും. യാത്രയയപ്പ് യോഗത്തില് പങ്കെടുത്ത കൂടുതല് ജീവനക്കാരുടെ മൊഴി പൊലീസ് ഇന്ന് രേഖപ്പെടുത്തും. കണ്ണൂര് ജില്ലാ കലക്ടര്ക്കെതിരെ എഡിഎമ്മിന്റെ ഓഫീസിലെ ജീവനക്കാര് പൊലീസിന് മൊഴി നല്കിയിട്ടുണ്ട്.
