സ്ത്രീജനങ്ങൾക്കിടയിൽ വായന പ്രോൽസാഹിപ്പിക്കുക എന്ന ലക്ഷ്യത്തോടെ എം.ജി.എംആരാമ്പ്രം ചാപ്റ്ററിൻ്റെ ആഭിമുഖ്യത്തിൽ ഇഖ്റഅ വായന ബോധന പരിപാടിക്ക് വായനദിനത്തിൽ തുടക്കമായി. വ്യക്തികളിൽ നിന്ന് പുസ്തകങ്ങൾ ശേഖരിച്ച് വായനയിൽ താൽപര്യമുള്ളനിർധന വീടുകളിലെ സ്ത്രീകൾക്ക് പുസ്തകങ്ങൾ എത്തിക്കുന്ന പദ്ധതിയാണിത്. പരിപാടിയുടെ ഉദ്ഘാടനം ചക്കാലക്കൽ കൊത്തിളാംപറമ്പത്ത് വീട്ടിൽ നടന്ന ചടങ്ങിൽ കെ.പി. മൈമൂനയിൽ നിന്ന് പുസ്തകങ്ങൾ സ്വീകരിച്ച് ബാലസാഹിത്യകാരി ഷീജ സുരേന്ദ്രൻ ഉദ്ഘാടനം ചെയ്തു. ശുക്കൂർ കോണിക്കൽ അധ്യക്ഷത വഹിച്ചു. എം.ജി.എം സംസ്ഥാന സമിതി അംഗം ഷക്കീല ആരാമ്പ്രം , റംല ഉമ്മർ , കെ.കെ.ഷമീമ പ്രസംഗിച്ചു.