രാജ്യത്ത് തുടര്ച്ചയായ പതിനൊന്നാം ദിവസവും ഇന്ധനവില കൂട്ടി. പെട്രോള് ലിറ്ററിന് 55 പൈസയും ഡീസല് 57 പൈസയുമാണ് വര്ദ്ധിപ്പിച്ചത്. കഴിഞ്ഞ പതിനൊന്ന് ദിവസത്തിനിടെ പെട്രോളിന് കൂടിയത് 6.03 രൂപ. ഡീസലിന് 6.08 രൂപയും. കൊച്ചിയില് ഇന്ന് ഒരു ലിറ്റര് പെട്രോളിന് 77 രൂപ 54 പൈസ നല്കണം. ഡീസലിന് 71 രൂപ 86 പൈസയും. തിരുവനന്തപുരത്ത് പെട്രോള് വില 79 രൂപയായി. ഒരു ലിറ്റര് ഡീസല് വാങ്ങാന് 73 രൂപ 23 പൈസ നല്കണം.
ആഗോളതലത്തില് അസംസ്കൃത എണ്ണ വില ഇടിഞ്ഞ സാഹചര്യത്തിലാണ് എണ്ണവിതരണ കമ്പനികള് സാധാരണക്കാരന് പ്രഹരം ഏല്പ്പിച്ചുകൊണ്ട് വില ദിനംപ്രതി ഉയര്ത്തുന്നത്. നേരത്തെ രാജ്യാന്തര വിപണിയില് അസംസ്കൃത എണ്ണയുടെ വില കുത്തനെ ഇടിഞ്ഞെങ്കിലും സര്ക്കാര് എക്സൈസ് ഡ്യൂട്ടി മൂന്നു രൂപ വര്ദ്ധിപ്പിക്കുകയും ചെയ്തു. അതിനാല് അതിന്റെ ഗുണം ഉപഭോക്താക്കള്ക്കു ലഭിച്ചില്ല.