സുരക്ഷ പെയിൻ ആൻഡ് പാലിയേറ്റീവ് പതിമംഗലം മേഖലാ കമ്മിറ്റിക്ക് വാഹനം വിട്ടു നൽകി യുവാവ് മാതൃകയായി.കോവിഡ് പ്രതിരോധ പ്രവർത്തനങ്ങൾക്ക് തൻ്റെ ഓംനി കാർ നൽകി ചിത്രാ സൗണ്ട്സ് ഉടമ പുതിയേടത്ത് ഹനീഫയാണ് ശ്രദ്ധേയനായത്.
ജീവകാരുണ്യ രംഗത്ത് പ്രവർത്തിച്ചു വരുന്ന സുരക്ഷയ്ക്കുവേണ്ടി കുന്നമംഗലം ഗ്രാമപഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഷബ്ന റഷീദിൽ നിന്ന് നിയുക്ത എം.എൽ.എ പി.ടി.എ റഹീം കാറിൻ്റെ താക്കോൽ ഏറ്റുവാങ്ങി.
സുരക്ഷ പെയിൻ ആൻഡ് പാലിയേറ്റീവ് പതിമംഗലം മേഖലാ കമ്മിറ്റി ചെയർമാൻ ഇ രാജു, കൺവീനർ എം ജൗഹർ, ട്രഷറർ പി പ്രശാന്ത്, ടി.പി ശിവദാസൻ, വി അഷ്റഫ്, പി ഹാജറ, സി.കെ നസീറ,
എ വിജേഷ്, യു ഇബ്രാഹിം, എ ലിബീഷ് സംസാരിച്ചു.