കൊച്ചിയിലെ റോഡുകളിൽ വെള്ളം കെട്ടിനിൽക്കുന്ന പ്രശ്‌നത്തിൽ രൂക്ഷവിമർശനവുമായി ഹൈക്കോടതി. വിഷയത്തിൽ കോർപറേഷൻ കൃത്യമായ നടപടികൾ സ്വീകരിക്കണമെന്ന് ഹൈക്കോടതി അറിയിച്ചു. മഴ പെയ്താൽ വെള്ളം, അല്ലെങ്കിൽ പട്ടികടി എന്നായിരുന്നു ഹൈക്കോടതിയുടെ പരിഹാസം.
മഴ പെയ്താൽ വെള്ളം, ഇല്ലെങ്കിൽ പട്ടികടി. അതാണ് നിലവിലെ സാഹചര്യമെന്ന് ജസ്റ്റിസ് ദേവൻ രാമചന്ദ്രൻ പറഞ്ഞു. മൃഗങ്ങളെ കൊല്ലുന്നതിനോട് ഒട്ടും അനുകൂലിക്കാനാവില്ല. പക്ഷേ പട്ടികടി പ്രശ്നത്തിന് ശാസ്ത്രീയമായ പരിഹാരമുണ്ടാകണം. കോർപറേഷന്റെ ഭാഗത്ത് നിന്നും മഴക്കാല പൂർവ ശുചീകരണ പ്രവർത്തികൾ ഉണ്ടാകണം. ഇവിടെ ബംഗളൂരുവിനേക്കാൾ ഭേദമാണ്. വെള്ളം ഒഴുകി പോകുന്നുണ്ട് എന്നും കോടതി വ്യക്തമാക്കി.
