സ്വിസർലാന്റിലെ ജനീവയിൽ പുനീത് രാജ്‌കുമാറിന്റെ ജന്മദിനമായ നാളെ കാന്താര വീണ്ടും റിലീസ് ചെയ്യുന്നു. റിലീസിന്റെ നടപടി ക്രമങ്ങൾ പൂർത്തിയാക്കാൻ ഋഷഭ് ഷെട്ടി ജനീവയിൽ എത്തിയിട്ടുണ്ട്.
സിനിമയെക്കുറിച്ചും കഥയുടെ പ്രാധാന്യത്തെ കുറിച്ചും ഋഷഭ് സംസാരിച്ചു.
‘മനുഷ്യനും പ്രകൃതിയും തമ്മിലുള്ള പോരാട്ടം എക്കാലവും തുടരുന്നു. ഇതേ കഥ ഒരു നാടോടിക്കഥയിലൂടെ പറയാൻ ശ്രമിച്ചു. കഥ കൂടുതൽ പ്രാദേശികമാകുമ്പോൾ, ആശയം കൂടുതൽ സാർവത്രികമാകുമെന്ന് ഞാൻ വിശ്വസിക്കുന്നു. ഇന്ത്യയിലുടനീളം, നിങ്ങൾക്ക് അത്തരം നിരവധി കഥകൾ കാണാം. അതുകൊണ്ട് തന്നെ പ്രാദേശിക ഭാഷയിലാണെങ്കിലും ഈ സിനിമ കാണുമ്പോൾ ആളുകൾക്ക് അവരുടെ സ്വന്തം കഥയുമായി ബന്ധിപ്പിക്കാൻ കഴിയുമെന്ന് ഞാൻ കരുതുന്നു. ഇന്നത്തെ കുട്ടികൾ അവരുടെ പാരമ്പര്യത്തെ മറക്കുന്നു, ഇതുപോലുള്ള സിനിമകൾ അവരെ വീണ്ടും അതുമായി ബന്ധിപ്പിക്കാൻ സഹായിക്കും’, ബാംഗ്ലൂർ ടൈംസിന് നൽകിയ അഭിമുഖത്തിൽ ഋഷഭ് പറഞ്ഞു.
നാളെ നടക്കുന്ന സ്ക്രീനിംഗിന് ശേഷം, യുഎൻ നയതന്ത്രജ്ഞർക്കൊപ്പം ഒരു സ്വകാര്യ അത്താഴ വിരുന്നിൽ ഋഷഭ് പങ്കെടുക്കുമെന്നും റിപ്പോർട്ടുണ്ട്.
