ഇന്ത്യയിൽ കോവിഡ് രോഗബാധിതരുടെ എണ്ണം ഉയരുന്നു. കഴിഞ്ഞ 24 മണിക്കൂറിനിടെ 65,002 പേർക്കാണ് കോവിഡ് രോഗബാധ സ്ഥിരീകരിച്ചത്. ഇതോടെ രാജ്യത്ത് രോഗബാധിതരുടെ എണ്ണം 25,26,193 ആയി.
രാജ്യത്ത് 6,68,220 കോവിഡ് രോഗികളാണ് ആശുപത്രികളിൽ ചികിത്സയിലുള്ളത്. 18,08,937 പേർ രോഗമുക്തി നേടി ആശുപത്രി വിട്ടു.രാജ്യത്ത് കോവിഡ് മരണ സംഖ്യയും ക്രമാതീതമായി ഉയരുകയാണ്. ദിവസേന ആയിരത്തിനെടുത്ത് കോവിഡ് മരണങ്ങളാണ് രാജ്യത്ത് റിപ്പോർട്ട് ചെയ്യുന്നത്.
ഇന്നലെ മാത്രം രാജ്യത്ത് കോവിഡ് രോഗബാധ മൂലം 996 പേർ മരിച്ചു. ഇതോടെ രാജ്യത്ത് ഇതുവരെ കോവിഡ് രോഗബാധ മൂലം മരിച്ചവരുടെ എണ്ണം 49,036 ആയി.
