മലയമ്മ ശിവക്ഷേത്രത്തിലെ ശിവരാത്രി മഹോത്സവം 2020 ഫെബ്രുവരി 19 ന് ആരംഭിക്കും. 19 ന് രാവിലെ വിശേഷാല്‍ പൂജകള്‍, വൈകീട്ട് സര്‍പ്പബലി എന്നിവയും 20 ന് രാവിലെ ആയിരംകുടംധാര, 11 മണിക്ക് സനാതന ധര്‍മ്മ മൂല്യങ്ങള്‍ എന്ന വിഷയത്തില്‍ പി. എം ശ്രീധരന്‍ മാസ്റ്ററുടെ പ്രഭാഷണം, ഉച്ചക്ക് അന്നദാനം, വൈ. സാമൂഹാരാധന, രാത്രി സ്റ്റേജില്‍ ക്ഷേത്രം മാതൃസമിതിയുടെ തിരുവാതിരക്കളി, ചാത്തമംഗലം എ.യു. പി സ്‌കൂള്‍ വിദ്യാര്‍ഥികള്‍ അവതരിപ്പിക്കുന്ന നാടകം ‘ആശ്ചര്യചൂഡാമണി’, നൃത്തനൃത്യങ്ങള്‍ എന്നിവയും 21ന് ശിവരാത്രി നാളില്‍ രാവിലെ മഹാഗണപതി ഹോമം, 6 മുതല്‍ അഖണ്ഡനാമജപം, ഉച്ചക്ക് സാമൂഹസദ്യ, വൈ. സഹസ്രദീപം, ദീപാരാധന, നവീന്‍ നമ്പൂതിരിയും സംഘവും അവതരിപ്പിക്കുന്ന തായമ്പക, 8 മണിക്ക് സാംസ്‌കാരിക സമ്മേളനം, പ്രഭാഷണം, തുടര്‍ന്നു കാലിക്കറ്റ് ബ്രദേഴ്‌സ് അവതരിപ്പിക്കുന്ന ‘മെഗാഷോ’ എന്നിവയും ഉണ്ടാകും. ഉത്സവ ചടങ്ങുകള്‍ക്ക് ക്ഷേത്രം തന്ത്രി ബ്രഹ്മശ്രീ. പാടേരി നമ്പൂതിരിപ്പാട്, മേല്‍ശാന്തി വാസുദേവന്‍ നമ്പൂതിരി എന്നിവര്‍ കാര്‍മികത്വം വഹിക്കും.
ശിവരാത്രി മഹോത്സവം ഫെബ്രുവരി 19 ന് ആരംഭിക്കും
