തമിഴ്നാട്ടില് അധ്യാപകൻ വിദ്യാര്ത്ഥിയെക്രൂരമായി മര്ദ്ദിക്കുന്ന ദൃശ്യങ്ങള് പുറത്ത്. കടലൂര് ചിദംബരത്തെ നന്തനാര് സര്ക്കാര് സ്കൂളില്നിന്നുള്ള ദൃശ്യങ്ങളാണ് സാമൂഹികമാധ്യമങ്ങളില് പ്രചരിക്കുന്നത്. ക്ലാസില് കൃത്യമായി വരുന്നില്ലെന്ന് പറഞ്ഞാണ് അധ്യാപകന് വിദ്യാര്ഥിയെ തല്ലിച്ചതച്ചത്. പ്ലസ് ടു വിദ്യാര്ത്ഥിക്കാണ് അധ്യാപകനില് നിന്ന് ക്രൂര മര്ദ്ദനമേല്ക്കേണ്ടി വന്നത്.
നിലത്ത് മുട്ടുകുത്തി നിര്ത്തി വടികൊണ്ട് ആഞ്ഞടിക്കുകയും തുടര്ച്ചയായി ചവിട്ടുകയും ചെയ്യുന്നതാണ് ദൃശ്യങ്ങള്. സഹപാഠികളാണ് മൊബൈലില് വീഡിയോ ചിത്രീകരിച്ച് പുറത്തുവിട്ടത്.. വീഡിയോ സോഷ്യല്മീഡിയയില് വൈറലായതോടെ അധ്യാപകനെതിരെ ജനരോഷമുയര്ന്നു. ഇയാള്ക്കെതിരെ ശക്തമായ നടപടി സ്വീകരിക്കണമെന്ന് ആവശ്യമുയര്ന്നു.
അതേസമയം,
Government Nandanar Boys Higher Secondary School, Chidambaram
— 😇 (@Velulights6) October 13, 2021
This happened just before lunch break today. pic.twitter.com/ziAf1gy2Op
ഈ സംഭവം എന്ന് നടന്നതാണെന്ന് സംബന്ധിച്ച് വ്യക്തതയില്ല. പുറത്തുവന്ന ദൃശ്യങ്ങളില് വിദ്യാര്ഥികളോ അധ്യാപകനോ മാസ്ക് ധരിച്ചിട്ടില്ല. സ്കൂളില് നിര്ബന്ധമായും മാസ്ക് ധരിക്കണമെന്ന് നിലവില് നിര്ദേശമുണ്ട്. അതിനാല് കോവിഡ് ലോക്ഡൗണിന് മുമ്പ് നടന്ന സംഭവമാണോയെന്നും സംശയമുണ്ട്.
