ക്ഷീരപഥത്തിന്റെ (Milky Way) മധ്യത്തില് നിന്നായി അസാധാരണമായ ഒരു റേഡിയോ തരംഗങ്ങള് ഉണ്ടാകുന്നുവെന്ന് ഗവേഷകര് അറിയിച്ചു. നേരത്തെയും ഈ പ്രതിഭാസത്തെക്കുറിച്ച് പഠിച്ചിട്ടുണ്ട് ശാസ്ത്രലോകം പറയുന്നു . ഇപ്പോള് നക്ഷത്രം പോലെ മിന്നുന്ന ഒരു തിരിച്ചറിയാത്ത വസ്തുവില് നിന്നാണ് ഈ ശബ്ദം പുറപ്പെടുന്നത് എന്നാണ് ആധുനിക പഠനം പറയുന്നത്.
ഈ വസ്തുവിന്റെ തിളക്കം ഇടയ്ക്കിടയ്ക്ക് വ്യത്യാസപ്പെടുന്നുണ്ടെന്നും. അതില് നിന്നും പുറപ്പെടുന്ന തരംഗങ്ങളില് മാറ്റങ്ങള് സംഭവിക്കുന്നുണ്ട് എന്നുമാണ് സ്ഡിനി യൂണിവേഴ്സിറ്റി സ്കൂള് ഓഫ് ഫിസിക്സ് ഗവേഷകര് , ദ ആസ്ട്രോഫിസിക്കല് ജേര്ണലില് പ്രസിദ്ധീകരിച്ച പഠനത്തിൽ പറയുന്നത്.
ഒരു പള്സര് ആണ് ഇതെന്നാണ് ശാസ്ത്രകാരന്മാര് ആദ്യം കരുതിയത്. പള്സര് എന്നാല് വേഗത്തില് കറങ്ങുന്ന ന്യൂട്രോള് ഡെഡ് സ്റ്റാറോ, കത്തിയാളുന്ന നക്ഷത്രമോ ആകാം. എന്നാല് അതില് നിന്നും വരുന്ന റേഡിയോ തരംഗങ്ങള് ഈ അനുമാനത്തെ സാധൂകരിച്ചില്ല. ASKAP J173608.2-321635 എന്നാണ് ഈ വസ്തുവിന് ഇപ്പോള് പേര് നല്കിയിരിക്കുന്നത്.
ഓസ്ട്രേലിയയുടെ എഎസ്കെഎപി എന്ന ടെലസ്കോപ്പ് വഴി നടത്തിയ ആകാശ നിരീക്ഷണത്തിലാണ് ഈ വസ്തു ആദ്യമായി കണ്ടെത്തിയത്.
