ഇന്ത്യയുടെ ചരിത്രം മായ്ക്കാൻ ശ്രമിക്കുന്നവരാണ് രാജ്യത്തിൻ്റെ പേര് മാറ്റാൻ ഒരുങ്ങുന്നതെന്ന് രാഹുൽ ഗാന്ധി. ഭാരത് വിവാദത്തിൽ പ്രതികരിക്കുകയായിരുന്നു രാഹുൽ. ബ്രിട്ടീഷുകാരുമായി പോരാടി നേടിയ വിജയം തമസ്കരിക്കുന്നു എന്നും രാഹുൽ ഗാന്ധി കുറ്റപ്പെടുത്തി. അദാനി വിവാദത്തിൽ നിന്ന് ശ്രദ്ധ തിരിക്കാനാണ് ശ്രമമെന്നും രാഹുൽ പറഞ്ഞു.ഭാരത് വിവാദത്തിൽ മുമ്പും രാഹുൽഗാന്ധി പ്രതികരിച്ചിരുന്നു. ഭാരതമായാലും ഇന്ത്യയായാലും അര്ത്ഥം സ്നേഹമെന്നാണെന്ന് രാഹുല് ഗാന്ധി വ്യക്തമാക്കിയിരുന്നു. ഭാരത് ജോഡോ യാത്രക്കിടെ ജനങ്ങളുമായി ഇടപഴകുന്ന ദൃശ്യങ്ങള് ഫേസ്ബുക്കില് പങ്ക് വച്ചായിരുന്നു രാഹുല് ഗാന്ധിയുടെ പ്രതികരണം. അതേസമയം, ഭാരത് വിവാദത്തിലൂടെ ദേശീയത ഉയർത്തി വോട്ട് നേടാനുള്ള നീക്കം ശക്തമാക്കുകയാണ് കേന്ദ്ര സര്ക്കാര്. ജി20 പ്രതിനിധികൾക്ക് നല്കിയ കാർഡുകളിലും ഭാരത് എന്ന് രേഖപ്പെടുത്തി. പ്രസിഡന്റ് ഓഫ് ഭാരത്, പ്രൈമിനിസ്റ്റര് ഓഫ് ഭാരത് ജി 20 ഉച്ചകോടിയുടെ ഔദ്യോഗിക രേഖകളിലെല്ലാം ഭാരത് പ്രയോഗം സര്ക്കാര് വ്യാപകമാക്കി കഴിഞ്ഞു. ജി 20 ന്റെ പ്രതിനിധി കാര്ഡുകളില് രേഖപ്പെടുത്തിയിരിക്കുന്നത് ഭാരത് ഒഫീഷ്യല്സ് എന്നാണ്. കഴിഞ്ഞ ലോക്സഭ തെരഞ്ഞെടുപ്പില് പുല്വാമ സംഭവം ദേശീയതക്ക് വിഷയമായെങ്കില് ഇതേ വികാരം ഉണര്ത്താന് സര്ക്കാര് ഇക്കുറി ഭാരതിനെ ആയുധമാക്കുകയാണ്. പാര്ലമെന്റില് ചെങ്കോല് സ്ഥാപിച്ച് ഹിന്ദുത്വ വികാരം ഉണര്ത്താന് ശ്രമിച്ചതിന് പിന്നാലെയാണ് ഭാരത് ചര്ച്ചയും സജീവമാക്കുന്നത്. ഭരണഘടന അംഗീകരിച്ച വാക്ക് ഉപയോഗിക്കുന്നതിൽ തെറ്റില്ലെന്ന് സര്ക്കാര് ന്യായീകരിച്ചപ്പോൾ ബിജെപി വിഭജനത്തിന് ശ്രമിക്കുന്നു എന്ന് പ്രതിക്ഷം തിരിച്ചടിച്ചു.
ഇന്ത്യ ടു ഭാരത്, ചരിത്രം മായ്ക്കാൻ ശ്രമിക്കുന്നവരാണ് പേര് മാറ്റാൻ ഒരുങ്ങുന്നത് : ഭാരത് വിവാദത്തിൽ രാഹുൽ ഗാന്ധി
