കോഴിക്കോട് മുക്കത്ത് പോലീസ് സ്റ്റേഷനിൽ നിന്നും ജെസിബി മോഷ്ടിച്ച വാർത്ത വാട്സപ്പ് ഗ്രൂപ്പിൽ പ്രചരിപ്പിച്ചതിന് യുവാവാവിനെ ക്രൂര മർദനത്തിന് ഇരയാക്കിയതായി പരാതി. കൂമ്പാറ സ്വദേശി കെ.പി ഫൈസലിനാണ് ഇന്നലെ രാത്രി മർദനമേറ്റത് .രാത്രി 9.30 ഓടെ കൂമ്പാറയിൽ വെച്ചാണ് സംഭവം . ജാമ്യത്തിൽ ഇറങ്ങിയ പ്രതിയായ ജയേഷ് ആണ് തന്നെ മർദിച്ചത് എന്നും കാറിൽ മറ്റൊരു പ്രതിയും ജെസിബി ഉടമയുടെ മകനുമായ മാർട്ടിൻ ഉണ്ടായിരുന്നു വെന്നും മർദനമേറ്റ ഫൈസൽ പറഞ്ഞു. ഫൈസൽ മുക്കത്തെ സ്വകാര്യ ആശുപത്രിയിൽ ചികിത്സയിലാണ്.
അതെ സമയം ഫൈസിലിന്റെ ഭാഗത്ത് നിന്നുണ്ടായ മറ്റുചില കാര്യങ്ങളെ ചോദ്യം ചെയ്ത സമയത് ഉണ്ടായ പ്രശ്നമാണ് സംഘർഷത്തിന് കാരണം എന്നും ജയേഷിന്റെ തലക്കും പരിക്കുണ്ടെന്നും മാർട്ടിൻ പറഞ്ഞു. തിരുവമ്പാടി പോലീസ് അന്വേഷണം തുടങ്ങി
ജെസിബി മോഷ്ടിച്ച വാർത്ത പ്രചരിപ്പിച്ചു; യുവാവിന് മർദ്ദനം
