ചൈനയിൽ ആശങ്ക ഉയർത്തി പുതിയ വൈറസ് രോഗം . ചെള്ളുകളിൽ കാണുന്ന ഒരു തരം വൈറസാണ് പുതിയ രോഗത്തിന് കാരണം. മനുഷ്യനിൽ നിന്ന് മനുഷ്യനിലേക്ക് പടരാനുള്ള സാധ്യത കണക്കിലെടുത്ത് സർക്കാർ മാധ്യമം മുന്നറിയിപ്പ് നൽകി.
ചൈനയിൽ അറുപതോളം പേർക്ക് രോഗം റിപ്പോർട്ട് ചെയ്തതായാണ് വിവരം. ഏഴ് പേർ മരിക്കുകയും ചെയ്തിട്ടുണ്ടെന്ന് റിപ്പോർട്ട് പുറത്ത് വരുന്നു. കിഴക്കൻ ചൈനയിലെ ജിയാങ്സു പ്രവിശ്യയിലാണ് പുതിയ വൈറസ് ബാധയുടെ 37 കേസുകൾ റിപ്പോർട്ട് ചെയ്തത്. വൈറസ് ബാധിച്ച ഇവർ പനി, ചുമ തുടങ്ങിയ ലക്ഷണങ്ങളുമായാണ് ചികിത്സ തേടിയത്. പരിശോധനയിൽ ഇവരിൽ പ്ലേറ്റ്ലെറ്റിന്റെ അളവ് കുറവാണെന്ന് കണ്ടെത്തി. പിന്നീട് ഇവർ രോഗമുക്തരായി മടങ്ങിയെങ്കിലും ശേഷം 23 പേരിൽ രോഗ ബാധ കണ്ടെത്തി.
.