ന്യൂഡൽഹി: കോവിഡ് രാജ്യത്ത് ശക്തമായി പടരുന്നു. കഴിഞ്ഞ ദിവസം മാത്രം 56,282 പേര്ക്കാണ് രാജ്യത്ത് രോഗം സ്ഥിരീകരിച്ചു. കഴിഞ്ഞ ദിവസങ്ങളിലെ കണക്കുകൾ പോലെ ഇന്നും രോഗികളുടെ എണ്ണം അൻപതിനായിരം കടന്നത് ഏറെ ആശങ്ക ചെലുത്തുന്നുണ്ട്. ഇതോടെ രാജ്യത്തെ കോവിഡ് ബാധിതരുടെ ആകെ എണ്ണം 19,64,537 ആയിട്ടുണ്ട്.
കഴിഞ്ഞ 24 മണിക്കൂറിനിടെ 904 മരണമാണ് രേഖപെടുത്തിയിരിക്കുന്നത്. ഇതോടെ കോവിഡ് ബാധിച്ചുള്ള മരണം 40,000 പിന്നിട്ടു. 40,699 പേരാണ് ഇതുവരെ മരണപ്പെട്ടത്. 2.07 ശതമാനമാണ് രാജ്യത്തെ മരണനിരക്ക്.
എന്നാല് രോഗമുക്തരാകുന്നവരുടെ എണ്ണം വര്ദ്ധിക്കുന്നതും ആശ്വാസമാണ്. 13,28,337 പേരാണ് ഇതുവരെ രോഗമുക്തരായത്. 67.62 ശതമാനമാണ് രാജ്യത്തെ രോഗമുക്തി നിരക്ക്.
