ഉത്തർപ്രദേശിലെ ലഖിംപുരിൽ കർഷക പ്രതിഷേധത്തിലിടയിലേക്ക് വാഹനം ഓടിച്ചുകയറ്റുന്ന ദൃശ്യങ്ങൾ പുറത്തുവിട്ട് കോൺഗ്രസ്. പ്രതിഷേധിക്കുന്ന കര്ഷകര്ക്കിടയിലേക്ക് ജീപ്പ് ഓടിച്ചുകയറ്റുന്ന ദൃശ്യം ട്വിറ്ററിലൂടെയാണ് കോണ്ഗ്രസ് പുറത്തുവിട്ടിരിക്കുന്നത്.. ‘മോദി സർക്കാരിന്റെ മൗനം അവരെയും ഇതിൽ പങ്കാളികളാക്കുന്നോ’ എന്ന വാചകത്തോടൊപ്പമാണ് കോൺഗ്രസ് പാർട്ടി ഔദ്യോഗിക ട്വിറ്റർ അക്കൗണ്ടിൽ വീഡിയോ പങ്കുവെച്ചിരിക്കുന്നത്.
വീഡിയോയിൽ ഒരു കൂട്ടം കർഷകർക്ക് നേരെ വാഹനമിടിച്ച് കയറ്റുന്നത് കാണാം. വെള്ള ഷർട്ടും പച്ച തലപ്പാവും ധരിച്ച കര്ഷകന് ഇടിയുടെ ആഘാതത്തില് ജീപ്പിന്റെ ബോണറ്റിന്റെ മുകളിലേക്ക് എടുത്തെറിയപ്പെട്ടു. മറ്റുള്ളവർ പരിഭ്രാന്തരായി റോഡിന്റെ ഇരുവശങ്ങളിലേക്കും നീങ്ങുന്നത് ദൃശ്യങ്ങളിൽ കാണാം. ആറോളം പേര് വാഹനമിടിച്ചു നിലത്തുവീണു. കര്ഷകരെ ഇടിച്ചിട്ട ജീപ്പ് നിര്ത്താതെ പോകുന്നത് ദൃശ്യങ്ങളില് ഉണ്ട്.
നാലു കർഷകരുൾപ്പെടെ പത്ത് പേരാണ് സംഘർഷത്തിൽ കൊല്ലപ്പെട്ടത്.
