ചാലക്കുടി എംഎൽഎയ്ക്കും കെപിസിസി സെക്രട്ടറിക്കുമെതിരെ കൈക്കൂലി ആരോപണത്തിൽ കേസെടുത്ത് അന്വേഷണം നടത്താൻ ഉത്തരവിട്ട് വിജിലൻസ് കോടതി. ചാലക്കുടി എംഎൽഎ സനീഷ് കുമാർ ജോസഫും കെപിസിസി സെക്രട്ടറി രാജേന്ദ്രൻ അരങ്ങത്തും കൈക്കൂലി ചോദിച്ചു എന്നാണ് ആരോപണം. കോൺഗ്രസ് പ്രവർത്തകനായിരുന്ന തൃശൂർ താണിക്കുടം സ്വദേശി ദേവേന്ദ്രൻ്റെ പരാതിയിലാണ് നടപടി. ദേവേന്ദ്രൻ്റെ ഭൂമിക്ക് പട്ടയം ലഭിക്കുന്നതിന് 5 ലക്ഷം രൂപ വേണമെന്ന് ആവശ്യപ്പെട്ടെന്ന് പരാതിക്കാരൻ. 2016 ൽ നടന്ന സംഭവത്തിന് പിന്നാലെ രാജേന്ദ്രൻ നിരവധി കേന്ദ്രങ്ങളിൽ പരാതി നൽകിയിരുന്നു. പരാതികൾക്ക് പിന്നാലെ കോടതിയെ സമീപിച്ചതോടെയാണ് പുതിയ എഫ്ഐആർ രജിസ്റ്റർ ചെയ്യാനും അന്വേഷണം നടത്താനും കോടതി ഉത്തരവിടുന്നത്.
ചാലക്കുടി എംഎൽഎയ്ക്കും കെപിസിസി സെക്രട്ടറിക്കുമെതിരെ അന്വേഷണം നടത്താൻ വിജിലൻസ് കോടതി ഉത്തരവ്
