കേരളത്തിലെ കോവിഡ് വ്യാപനത്തിന്റെ പശ്ചാത്തലത്തില് കര്ണാടകയ്ക്ക് പുറമെ കേരളത്തില് നിന്നുള്ളവര്ക്ക് യാത്രാനിയന്ത്രണം ഏര്പ്പെടുത്തി തമിഴ്നാടും. വ്യാഴാഴ്ച മുതൽ ആര്ടിപിസിആര് നെഗറ്റീവ് സര്ട്ടിഫിക്കറ്റ് നിര്ബന്ധമാക്കി. രണ്ടു ഡോസ് വാക്സീൻ സ്വീകരിച്ച് 14 ദിവസം പിന്നിട്ടവർക്ക് മാത്രം ഇളവുണ്ടാകും.
തമിഴ്നാട്ടിലേക്ക് പ്രവേശിക്കാന് 72 മണിക്കൂറിനിടയില് എടുത്ത ആര്ടിപിസിആര് പരിശോധനാ ഫലം കയ്യില് കരുതണം. രണ്ട് ഡോസ് വാക്സിനും എടുത്തവര് സര്ട്ടിഫിക്കറ്റ് കാണിച്ചാല് മതി.
കോവിഡ് വ്യാപനം രൂക്ഷമായ കേരളം, മഹാരാഷ്ട്ര തുടങ്ങിയ സംസ്ഥാനങ്ങളില് നിന്നും എത്തുന്നവരും, ഈ സംസ്ഥാനങ്ങളില് പോയി മടങ്ങിവരുന്നവരും 72 മണിക്കൂറിനിടയില് എടുത്ത ആര്ടിപിസിആര് പരിശോധനഫലം കയ്യില് കരുതണമെന്ന് കര്ണാടക സര്ക്കാര് നേരത്തെ ഉത്തരവിറക്കിയിരുന്നു. നിലവില് രാജ്യത്ത് ഏറ്റവും കൂടുതല് കോവിഡ് കേസുകള് റിപ്പോര്ട്ട് ചെയ്യുന്ന സംസ്ഥാനമാണ് കേരളം.
