സ്നേഹത്തിന്റെയും നന്മയുടെയും പങ്കുവെയ്ക്കലിന്റെയും ത്യാഗത്തിന്റെയും നക്ഷത്രത്തിളക്കങ്ങളാണ് ഓരോ ക്രിസ്മസുമെന്ന് സ്പീക്കര്‍ എ എന്‍ ഷംസീര്‍. ക്രിസ്തുമസ് മാനവികതയുടെ പുതുപിറവിയാകട്ടെയെന്നും അദ്ദേഹം ആശംസിച്ചു. ഓരോ ആഘോഷത്തെയും സവിശേഷമാക്കുന്നത് അതുയര്‍ത്തുന്ന മാനവികമൂല്യങ്ങളാണ്. പരസ്പര സ്നേഹത്തിന്റെയും സമഭാവനയുടേയും സൗന്ദര്യമാണ് ആഘോഷങ്ങളെ ഹൃദ്യമായ അനുഭവമാക്കുന്നത്. മുറിക്കുന്ന കേക്കിന്റെ നിറമോ വലുപ്പമോ രുചിയോ അല്ല, അത് പങ്കിട്ടു കഴിക്കുമ്പോഴുള്ള ആനന്ദമാണ് അതിലെ മധുരം. എല്ലാ കുഞ്ഞുങ്ങള്‍ക്കും സമ്മാനവുമായി എത്തുന്ന സാന്ത നിതാന്ത സ്നേഹത്തിന്റെ പ്രതീകമാണ്. വഴികാട്ടിയ ഒറ്റ നക്ഷത്രത്തിന്റെ വെളിച്ചമാണ് വിശ്വം മുഴുവനും എത്തിയത്. […]

കേരള നിയമസഭാ ദിനമായ ഇന്ന് മഹത് വ്യക്തികൾക്ക് പുഷ്പാര്‍ച്ചന നടത്തി നിയമസഭാ സ്പീക്കര്‍ എ.എന്‍. ഷംസീര്‍. മണിക്ക്നിയമസഭാ സമുച്ചയത്തിലെ മഹാത്മാഗാന്ധി, ജവഹര്‍ലാല്‍ നെഹ്റു, ഡോ. ബി.ആര്‍. അംബേദ്കര്‍, കെ.ആര്‍. നാരായണന്‍ എന്നീ മഹദ് ‌വ്യക്തികളുടെ പ്രതിമകളിലാണ് സ്പീക്കര്‍ പുഷ്പാര്‍ച്ചന നടത്തിയത്. ഡെപ്യൂട്ടി സ്പീക്കര്‍ ശ്രീ. ചിറ്റയം ഗോപകുമാര്‍, ഗവ ചീഫ് വിപ്പ് ഡോ. എന്‍. ജയരാജ്, എംഎല്‍എമാരായ ടി.പി. രാമകൃഷ്ണന്‍, കെ.പി.കുഞ്ഞമ്മദ്കുട്ടി മാസ്റ്റര്‍, നിയമസഭാ സെക്രട്ടറി എ.എം. ബഷീര്‍ എന്നിവരും നിയമസഭാ ഉദ്യോഗസ്ഥരും പരിപാടിയിൽ പങ്കെടുത്തു.