പത്തനംതിട്ട അടൂരില്‍ ഏഴ് വയസുകാരന് അച്ഛന്റെ ക്രൂരപീഡനം. ചട്ടുകം ചൂടാക്കി മകന്റെ വയറിലും പാദങ്ങളിലും പൊള്ളിച്ചു. കുട്ടിയുടെ മറ്റു ശരീര ഭാഗങ്ങളിലും പൊള്ളലേറ്റിട്ടുണ്ട്.മദ്യലഹരിയിലാണ് അച്ഛന്റെ പീഡനമെന്നാണ് പ്രാഥമിക വിവരം. പ്രതിയെ അടൂര്‍ പൊലീസ് കസ്റ്റഡിയില്‍ എടുത്തു. ഞായറാഴ്ച്ച രാത്രിയായിരുന്നു സംഭവം. കുട്ടിയെ പത്തനംതിട്ട ശിശു സംരക്ഷണസമിതിയിലാക്കി.കുട്ടിക്ക് പഠിക്കാന്‍ പിതാവ് പാഠഭാഗങ്ങള്‍ പറഞ്ഞുകൊടുത്തിരുന്നു. പുറത്ത് പോയി തിരിച്ചുവരുമ്പോള്‍ അത് പഠിച്ചുപറഞ്ഞുതരണമെന്നും ഏല്‍പ്പിച്ചിരുന്നു. എന്നാല്‍ പിതാവ് തിരിച്ചെത്തിയപ്പോഴും കുട്ടി പഠിച്ച് പറഞ്ഞ് കൊടുത്തില്ലെന്നാരോപിച്ച് മര്‍ദിക്കുകയാണ്. കുട്ടിയുടെ ആരോഗ്യനിലയില്‍ പുരോഗതിയുണ്ട്.