കോഴിക്കോട്: താമരശ്ശേരി ചുരം ആറാംവളവിന് സമീപം തടിലോറി മറിഞ്ഞും മറ്റൊരു ലോറിയുടെ ടയര്‍ പൊട്ടിയും വന്‍ ഗതാഗത തടസ്സം. ഇന്നലെ രാത്രി 10.30ഓടെ മരം കയറ്റിവന്ന ലോറി താമരശ്ശേരി ചുരത്തില്‍ മറിഞ്ഞിരുന്നു. ഇതിനു സമീപത്തായി മറ്റൊരു ലോറിയുടെ ടയറുകള്‍ പൊട്ടി റോഡില്‍ കുടുങ്ങുകയും ചെയ്തു. ഇതോടെ ചുരത്തില്‍ ഗതാഗതം പൂര്‍ണമായും സ്തംഭിക്കുകയായിരുന്നു. കുടുങ്ങിയ ലോറി ക്രെയിന്‍ ഉപയോഗിച്ച് ഒതുക്കി. നിലവില്‍ വാഹനങ്ങള്‍ വണ്‍വേ ആയാണ് കടന്ന് പോകുന്നത്. ചുരത്തിന് താഴെ അടിവാരം വരെ ഗതാഗതക്കുരുക്ക് നീണ്ടു. അഞ്ച് […]

മദ്യലഹരിയില്‍ ഓടിച്ചു വന്ന ലോറി രണ്ടു പേരെ ഇടിച്ച് തെറിപ്പിച്ചു. താമരശ്ശേരി കൊയിലാണ്ടി സംസ്ഥാന പാതയില്‍ താമരശ്ശേരിക്ക് സമീപം ചാലക്കരയിലാണ് അപകടം. ബാലുശ്ശേരി ഭാഗത്തു നിന്നും അമിതവേഗതയില്‍ എത്തിയ മിനിലോറി ട്യൂഷന്‍ കഴിഞ്ഞ് നടന്നു വരികയായിരുന്ന വിദ്യാര്‍ത്ഥിനിയേയും, മഴയത്ത് മരത്തിനു താഴെ നിര്‍ത്തിയിട്ടിരുന്ന ബൈക്കിലെ യാത്രികനേയുമാണ് ഇടിച്ച് തെറിപ്പിച്ചത്. പരുക്കേറ്റ തച്ചംപൊയില്‍ അവേലം തിയ്യരുതൊടിക മുഹമ്മദ് റാഫി (42) ,ചാലക്കര സ്വദേശി റിസ കദീജ (14) എന്നിവരെ താമരശ്ശേരി താലൂക്ക് ആശുപത്രിയില്‍ പ്രവേശിപ്പിച്ചു. റിസ കദീജയെ പിന്നീട് […]

എറണാകുളം: വടക്കന്‍ പറവൂരില്‍ വീടിനു മുകളിലേക്ക് ലോറി മറിഞ്ഞു ഒരാള്‍ക്ക് പരുക്ക്. ഇന്ന് പുലര്‍ച്ചെ 4 മണിക്കായിരുന്നു അപകടം. കൊട്ടുവള്ളിക്കാട് പതിയാപറമ്പില്‍ സുകുമാരന്റെ വീട്ടിലേക്കാണ് ലോറി മറിഞ്ഞത്. വീട്ടിലുണ്ടായിരുന്ന സുകുമാരന്റെ മകന്‍ സുനിയെ പരുക്കിനെ തുടര്‍ന്ന് കൊടുങ്ങല്ലൂര്‍ മെഡിസിറ്റി ആശുപത്രിയില്‍ പ്രവേശിപ്പിച്ചു. ലോറി പാലം കയറുന്നതിനിടയില്‍ പാലത്തിന് താഴെയായുള്ള വീടിന് മുകളിലേക്ക് മറിയുകയായിരിരുന്നു. വീട് ഭാഗികമായി തകര്‍ന്നു. സംഭവത്തില്‍ ഇതര സംസ്ഥാനക്കാരനായ ഡ്രൈവറെ വടക്കേകര പൊലീസ് കസ്റ്റഡിയില്‍ എടുത്തു.

ചാലക്കുടി: പോട്ടയില്‍ ലോറി സ്‌കൂട്ടറിലിടിച്ച് യാത്രക്കാരന്‍ മരിച്ചു. ചാലക്കുടി പോട്ട ആശ്രമം സിഗ്‌നല്‍ ജംക്ഷനിലായിരുന്നു അപകടം. സിഗ്‌നല്‍ തെറ്റിച്ചെത്തിയ ലോറി സ്‌കൂട്ടറില്‍ ഇടിക്കുകയായിരുന്നു. അപകടത്തില്‍ വി ആര്‍. പുരം ഞാറക്കല്‍ അശോകന്‍ മകന്‍ അനീഷ് (40) ആണ് മരിച്ചത്. അപകടത്തില്‍പ്പെട്ട രാസവസ്തു കയറ്റിയ ലോറി പൂര്‍ണമായും കത്തി നശിച്ചു. അപകടത്തെ തുടര്‍ന്ന് നിരങ്ങി നീങ്ങിയ സ്‌കൂട്ടര്‍ റോഡിലുരസിയാണ് ലോറിയ്ക്ക് തീപിടിച്ചത്. ഫയര്‍ഫോഴ്‌സിന്റെ രണ്ടു യൂണിറ്റ് എത്തി തീയണച്ചു. സ്‌കൂട്ടര്‍ യാത്രക്കാരന്‍ റോഡ് കുറുകെ കടക്കുമ്പോഴാണ് അപകടം.

തൃശ്ശൂര്‍: മയക്കുവെടിയേറ്റ് മയങ്ങിവീണ അതിരപ്പിള്ളിയിലെ കാട്ടാനയെ അനിമല്‍ ആംബുലന്‍സില്‍ കയറ്റി. മയക്കുവെടിയേറ്റ് വീണുകിടന്നിരുന്ന കാട്ടാനയുടെ ശരീരത്തില്‍ തണുത്തെ വെള്ളം ഒഴിച്ച് കൊടുത്തിന് പിന്നാലെയാണ് മയങ്ങി കിടന്നിരുന്ന കൊമ്പന്‍ എഴുന്നേറ്റത്. ഇതിന് പിന്നാലെ കുങ്കിയാനകളുടെ സഹായത്തോടെ കാട്ടാനയെ അനിമല്‍ ആംബുലന്‍സിലേയ്ക്ക് കയറ്റുകയായിരുന്നു. നേരത്തെ മയക്കുവെടിയേറ്റ് വീണ കാട്ടാനയെ വെറ്ററിനറി ഡോക്ടര്‍ അരുണ്‍ സക്കറിയുടെ നേതൃത്വത്തിലുള്ള സംഘം ആനയെ പരിശോധിച്ചിരുന്നു ആനയുടെ മസ്തകത്തിനേറ്റ മുറിവില്‍ ആരോഗ്യവിദഗ്ധര്‍ മരുന്നുവെച്ചു നല്‍കിയിരുന്നു. ആനയെ മയക്കുവെടിവെയ്ക്കാനുള്ള ദൗത്യം ഇന്ന് പുലര്‍ച്ചെ അഞ്ച് മണിയോടെ ആരംഭിച്ചിരുന്നു. […]

തിരുവനന്തപുരത്ത് ഓടിക്കൊണ്ടിരുന്ന ലോറിയ്ക്ക് തീപിടിച്ചു. നെടുമങ്ങാട് കൊല്ലംകാവില്‍ റോഡില്‍ ഇന്ന് രാവിലെ 10 മണിയോടെയായിരുന്നു സംഭവം. കോണ്‍ക്രീറ്റ് മിക്‌സര്‍ കൊണ്ട് പോയ ലോറിയ്ക്കാണ് തീപിടിച്ചത്. തീപടര്‍ന്നുടന്‍ ലോറി ഡ്രൈവര്‍ ഇറങ്ങി ഓടിയതിനാല്‍ വലിയ അപകടം ഒഴിവായി. അപകടത്തില്‍ ആളപായമില്ല. തീപിടുത്തത്തില്‍ ലോറിയുടെ മുന്‍ഭാഗം പൂര്‍ണ്ണമായും കത്തി നശിച്ച നിലയിലാണ്.നെടുമങ്ങാട് നിന്നും 3 യൂണിറ്റ് ഫയര്‍ ഫോഴ്‌സെത്തിയാണ് തീ നിയന്ത്രണ വിധേയമാക്കിയത്. അപകടത്തെത്തുടര്‍ന്ന് തിരുവനന്തപുരം തെങ്കാശി ദേശീയ പാതയില്‍ അര മണിക്കൂറോളം ഗതാഗതം തടസപ്പെട്ടു

മലപ്പുറം: നിലമ്പൂരിനെയും ഗൂഡല്ലൂരിനെയും ബന്ധിപ്പിക്കുന്ന നാടുകാണി ചുരത്തില്‍ ലോറി മറിഞ്ഞതിനെ തുടര്‍ന്ന് മണിക്കൂറുകള്‍ നീണ്ട ഗതാഗതക്കുരുക്ക്. ഇന്ന് പുലര്‍ച്ചെ നാലരയോടെയാണ് കൊപ്രയുമായി പോകുകയായിരുന്ന ലോറി മറിഞ്ഞത്. സംസ്ഥാന അതിര്‍ത്തിക്ക് സമീപം വലിയ കയറ്റത്തിലാണ് ലോറി മറിഞ്ഞത്. ഇതോടെ വാഹനങ്ങള്‍ക്ക് ഇരു വശത്തേക്കും പോകാന്‍ സാധിക്കാതായി. ചുരത്തിലുടനീളം വന്‍ ഗതാഗതക്കുരുക്കാണ് അനുഭവപ്പെട്ടത്. പൊലീസ് സ്ഥലത്തെത്തി.

എറണാകുളം: കളമശ്ശേരിയില്‍ അപകടത്തില്‍പ്പെട്ട പാചകവാതക ടാങ്കറിലെ ചോര്‍ച്ച പരിഹരിച്ചു. ടാങ്കറിന്റെ റെഗുലേറ്റര്‍ ഭാഗത്തായിരുന്നു ചോര്‍ച്ച കണ്ടെത്തിയത്. അടിയന്തര സാഹചര്യം ഇല്ലെന്ന് പൊലീസ് അറിയിച്ചു. ഇരുമ്പനത്തു നിന്ന് വന്ന കര്‍ണാടക രജിസ്ട്രേഷന്‍ ലോറിയാണ് ഇന്നലെ രാത്രി അപകടത്തില്‍പ്പെട്ടത്. ഡ്രൈവറിന് കാര്യമായ പരിക്കേറ്റിട്ടില്ല. ഗതാഗത തടസ്സമുണ്ടായെങ്കിലും പൊലീസെത്തി ഗതാഗതം ക്രമീകരിക്കുകയായിരുന്നു.

കോഴിക്കോട്: മണ്ണിടിച്ചിലില്‍ കാണാതായ കോഴിക്കോട് കണ്ണാടിക്കല്‍ സ്വദേശി അര്‍ജുന്റെ മൃതദേഹം നാട്ടിലെത്തിക്കാനുള്ള നടപടികള്‍ക്ക് ഇന്ന് തുടക്കമാകും. ഡിഎന്‍എ പരിശോധനയ്ക്കായി സാംപിളുകള്‍ എടുക്കും. ഫലം വന്നാലുടന്‍ എത്രയും വേഗം നടപടികള്‍ പൂര്‍ത്തീകരിക്കുമെന്ന് ജില്ലാ ഭരണകൂടം അറിയിച്ചിട്ടുണ്ട്. നിലവില്‍ അര്‍ജുന്റെ മൃതദേഹം കാര്‍വാര്‍ ആശുപത്രിയില്‍ സൂക്ഷിച്ചിരിക്കുകയാണ്. അതേസമയം അര്‍ജുന്‍ ഓടിച്ചിരുന്ന ലോറി പൂര്‍ണമായി കരയിലെത്തിക്കാനുള്ള ശ്രമം നടത്തും. ഇന്നലെ ക്രെയിന്‍ ഉപയോഗിച്ച് കരകയറ്റാന്‍ ശ്രമിച്ചെങ്കിലും വടം പൊട്ടിയതോടെ ലോറി പൂര്‍ണമായും കരയ്ക്കെത്തിനായിരുന്നില്ല. മണ്ണിടിച്ചിലില്‍ കാണാതായ മറ്റ് രണ്ട് പേര്‍ക്കായുളള തിരച്ചില്‍ […]

ഷിരൂര്‍: ഗംഗാവലി പുഴയില്‍ നടന്ന തിരച്ചിലില്‍ അര്‍ജുന്റെ ലോറി കണ്ടെത്തി. ഇന്ന് നടത്തിയ നിര്‍ണായക പരിശോധനയില്‍ അര്‍ജുന്റെ ലോറിയും ലോറിക്കുള്ളില്‍ മൃതദേഹവും കണ്ടെത്തിയത്. അര്‍ജുനെ കാണാതായിട്ട് ഇന്നേയ്കക് 71 ദിവസം പൂര്‍ത്തിയായിരിക്കവേയാണ് ഇന്ന് നിര്‍ണായകമായത്. സിപി2 കേന്ദ്രീകരിച്ച് നടത്തിയ തിരച്ചിലിലാണ് ലോറി കണ്ടെത്തിയത്. ഒരു മാസത്തിലേറെയായി പല ഘട്ടങ്ങളിലായി നടത്തിയ തിരച്ചിലിനൊടുവിലാണ് ലോറി കണ്ടെത്തിയത്. ‘അര്‍ജുനും’ ലോറിയിലുണ്ടെന്ന് മനാഫ് പറഞ്ഞു. മനാഫ് ലോറി സ്ഥിരീകരിച്ചിട്ടുണ്ട്. രാവിലെ നടത്തിയ തിരച്ചിലില്‍ കൂടുതല്‍ ലോഹഭാഗങ്ങള്‍ കണ്ടെത്തിയിരുന്നു. വേലിയിറക്ക സമയത്ത് പുറത്തെത്തിക്കുകയായിരുന്നു. […]