ബെംഗളൂരു ബന്നേര്ഘട്ട നാഷണല് പാര്ക്കില് (ബിഎന്പി) ജീപ്പ് സഫാരിക്കിടെ പന്ത്രണ്ടുകാരന് പുള്ളി പുലിയുടെ ആക്രമണം. പുലിയുടെ നഖം കൊണ്ട് കുട്ടിയുടെ കൈയ്ക്ക് പരുക്കേറ്റു. സഫാരി ജീപ്പില് പാര്ക്ക് ചുറ്റികാണുമ്പോഴായിരുന്നു സംഭവം. ജീപ്പ് പിന്തുടര്ന്ന് എത്തിയ പുലി വാഹനത്തിന്റെ സൈഡ് ഗ്ലാസിന് വെച്ചിരുന്ന കുട്ടിയുടെ കൈയ്യിലേക്ക് നഖം കൊണ്ട് പോറല് ഏല്പ്പിക്കുകയായിരുന്നു.
തിരുവല്ലയിലെ പൊടിയാടിയില് പുലിയിറങ്ങി. തിരുവല്ല മാവേലിക്കര റോഡില് പൊടിയാടി മണിപ്പുഴ ഹിന്ദുസ്ഥാന് പെട്രോള് പമ്പിന് പിന്വശത്തുള്ള റോഡിലാണ് പുലിയെ കണ്ടത്. ഇന്ന് രാവിലെ ആറുമണിയോടെ കോണ്ക്രീറ്റ് റോഡില് നില്ക്കുന്ന പുലിയെ മണിപ്പുഴ തൈപ്പടവില് വീട്ടില് സംഗീതയാണ് കണ്ടെത്തിയത്. സംഭവം ഉടന്തന്നെ വാര്ഡ് മെമ്പര് എന് എസ് ഗിരീഷ് കുമാറിനെ വിവരം അറിയിച്ചു. കയ്യില് ഉണ്ടായിരുന്ന മൊബൈല് ഫോണില് പുലിയുടെ ദൃശ്യങ്ങള് പകര്ത്തുന്നതിനിടെ സമീപത്തെ ആളൊഴിഞ്ഞ പുരയിടത്തിലേക്ക് പുലി നടന്നകലകുകയായിരുന്നു. കണ്ടത് പുലിയെ തന്നെ ആണെന്ന് നാട്ടുകാര് പറഞ്ഞു. […]
വയനാട്: കേരള-തമിഴ്നാട് അതിര്ത്തിയായ വയനാട് നമ്പ്യാര്കുന്നില് ആഴ്ചകളായി ജനങ്ങളെ ഭീതിയിലാക്കിയ പുലി കുടുങ്ങി. നിരവധി വളര്ത്തുമൃഗങ്ങളെ ആക്രമിച്ച പുലിയാണ് വനം വകുപ്പിന്റെ കൂട്ടില് വീണത്. പുലിയെ സംരക്ഷണ കേന്ദ്രത്തിലേക്ക് മാറ്റി. ഇന്ന് പുലര്ച്ചെ ഒന്നരയോടെ ഒരു വീട്ടിലെ കോഴിയെ പിടികൂടിയ പുലി സമീപത്തുവെച്ച വനം വകുപ്പിന്റെ കൂട്ടില് കുടുങ്ങുകയായിരുന്നു. കൂട്ടിനുള്ളില് കെണിയായി വച്ചിരുന്ന ആടിനെ പിടികൂടാനുള്ള ശ്രമത്തിലായിരുന്നു പുലി. നാട്ടുകാരാണ് പുലി കൂട്ടില് കുടുങ്ങിയ വിവരം വനം വകുപ്പിനെ അറിയിച്ചത്.
തൃശൂര്: തമിഴ്നാട് വാല്പ്പാറയില് ആറുവയസുകാരിയെ ഭക്ഷിച്ച നരഭോജി പുലിയെ പിടികൂടി. തമിഴ്നാട് വനംവകുപ്പ് കൊല്ലപ്പെട്ട റോഷ്നിയുടെ വീടിനു സമീപം സ്ഥാപിച്ച കൂട്ടിലാണ് പുലി കുടുങ്ങിയത്. ജാര്ഖണ്ഡ് ദമ്പതികളുടെ മകള് റോഷ്നിയെ ജൂണ് 20നാണ് പുലി പിടിച്ചത്. വീട്ടില് കളിച്ചുകൊണ്ടിരിക്കുകയായിരുന്ന കുട്ടിയെ വീട്ടില് കയറിയായിരുന്നു പുലി പിടിച്ചത്. പിന്നീട് മണിക്കൂറുകള് നീണ്ട തിരച്ചിലിനൊടുവില് കുട്ടിയുടെ മൃതദേഹം കണ്ടെത്തുകയായിരുന്നു. ഡോഗ് സ്ക്വാഡിനെ ഉപയോഗിച്ച നടത്തിയ തിരച്ചിലില് തേയിലത്തോട്ടത്തില് നിന്നാണ് കുട്ടിയുടെ മൃതദേഹം കണ്ടെത്തിയത്.
തൃശൂര്: തമിഴ്നാട്ടിലെ വാല്പ്പാറയില് പുലി പിടികൂടിയ നാല് വയസ്സുകാരിക്കായി തെരച്ചില് പുനരാരംഭിച്ചു. പ്രത്യേക പരിശീലനം നേടിയ നായയെ സ്ഥലത്തെത്തിച്ചു. പൊലീസും വനം വകുപ്പും നാട്ടുകാരും ചേര്ന്ന് തെരച്ചില് നടത്തുകയാണ്. ജാര്ഖണ്ഡ് സ്വദേശി മനോജ് കുന്ദ – മോനിക്ക ദമ്പതികളുടെ മകള് റൂസ്നിയെയാണ് കാണാതായത്. കുട്ടിയെ പുലി പിടിച്ചത് ഇന്നലെ വൈകിട്ട് നാല് മണിക്കാണ്.
വയനാട്: പുല്പ്പള്ളി മുള്ളന്കൊല്ലിയില് വീണ്ടും പുലിയിറങ്ങി. കബനിഗിരി സ്വദേശി കുന്നേല് ജോയുടെ ആടിനെ കൊന്നു. പ്രദേശത്ത് ക്യാമറ ട്രാപ്പുകള് സ്ഥാപിച്ചു. കോഴിക്കോട് കൂടരഞ്ഞി പൂവാറന് തോട്ടില് വീണ്ടും പുലിയെ കണ്ടതായി നാട്ടുകാര്. ബൈക്ക് യാത്രക്കാരും റിസോര്ട്ടിലേക്ക് പോവുന്നവരുമാണ് പുലിയെ കണ്ടത്. കഴിഞ്ഞ ദിവസം പുലിയെ കണ്ട വിലങ്ങു പാറ ബാബുവിന്റെ വീടിന്റെ പരിസരത്ത് നിന്നും 300 മീറ്റര് താഴെയാണ് വീണ്ടും പുലിയെ കണ്ടത് . അതിനിടെ മേപ്പാടി പുഴമൂലയിലും വന്യജീവി ആക്രമണമുണ്ടായി.കടവത്ത് ഗിരീഷിന്റെ വളര്ത്തുനായയെ ആണ് കൊന്നത്.
ബത്തേരി (വയനാട്): സുല്ത്താന് ബത്തേരി നഗരത്തില് മൈസൂര് റോഡില് കോട്ടക്കുന്നില് വീണ്ടും പുലിയുടെ സാന്നിധ്യം. ഇന്ന് പുലര്ച്ചെ ഒന്നരയോടെ പുതുശേരിയില് പോള് മാത്യൂസിന്റെ വീടിന്റെ പരിസരത്താണ് വീണ്ടും പുലി എത്തിയത്. കോഴിക്കൂടിനടുത്ത് പുലി വന്നതിന്റെ ദൃശ്യങ്ങള് സി.സി.ടി.വിയില് പതിഞ്ഞിട്ടുണ്ട്. കഴിഞ്ഞ ഞായറാഴ്ചയും ചൊവ്വാഴ്ചയും മാത്യൂസിന്റെ വീട്ടില് പുലി എത്തിയതിന്റെ ദൃശ്യങ്ങള് സി.സി.ടി.വിയില് പതിഞ്ഞിരുന്നു. ചൊവ്വാഴ്ച പുലര്ച്ചെ മാത്യൂസിന്റെ കോഴിക്കൂട്ടിലുണ്ടായിരുന്ന നാല് കരിങ്കോഴി ഉള്പ്പെടെ ഒമ്പത് കോഴികളെ കൊന്നിരുന്നു. പുലി കോഴികളെ ഭക്ഷിച്ചതിന്റെ അവശിഷ്ടങ്ങള് വീടിന്റെ സമീപത്തു നിന്ന് […]
കാസര്ക്കോട്: കാസര്ക്കോട് ബേഡടുക്ക പഞ്ചായത്തിലെ കൊളത്തൂരില് വനം വകുപ്പ് സ്ഥാപിച്ച കൂട്ടില് വീണ്ടും പുലി കുടുങ്ങി. നിട്ടു വോട്ടെ എ ജനാര്ദനന്റെ റബ്ബര് തോട്ടത്തില് വനം വകുപ്പ് സ്ഥാപിച്ച കൂട്ടിലാണ് ബുധനാഴ്ച രാവിലെ നാട്ടുകാര് പുലിയെ കണ്ടെത്തിയത്. കുറച്ചു മാസമായി പുലി ഭീഷണിയേ തുടര്ന്നാണ് കൂട് സ്ഥാപിച്ചത്. അഞ്ചു വയസ്സുള്ള ആണ്പുലിയാണ് ഇന്നു കുടുങ്ങിയത്. പുലിയെ പള്ളത്തുങ്കാലിലെ ഫോറസ്റ്റ് ഓഫിസിലേക്കു മാറ്റി.
വയനാട്: വയനാട് നെല്ലിമുണ്ട ഒന്നാം മൈലില് തേയില തോട്ടത്തില് പുലിയെ കണ്ടെത്തി. മരം കയറുന്ന പുലിയുടെ ദൃശ്യം പുറത്ത് വന്നു.പ്രദേശവാസികളാണ് ദൃശ്യം പകര്ത്തിയത്.ഈ മേഖലയില് നേരത്തെയും പുലി സാന്നിധ്യമുള്ള പ്രദേശമാണ്. ഇതിന്റെ ഒരു കിലോമീറ്റര് ചുറ്റളവില് പുലിക്കായി കൂടുവെച്ചിട്ടുണ്ട്. പുലിയെ വീണ്ടും കണ്ട പശ്ചാത്തലത്തില് വനം വകുപ്പ് പരിശോധന നടത്തിയെങ്കിലും കണ്ടില്ല.
പാലക്കാട്: അട്ടപ്പാടി അഗളി ഗവണ്മെന്റ് എല്പി സ്കൂള് വളപ്പില് പുലിയെ കണ്ടെന്ന് സ്കൂള് ജീവനക്കാര്. ഇന്ന് രാവിലെ 8 മണിക്ക് സ്കൂളിലെ പാചക തൊഴിലാളികളാണ് പുലിയെ കണ്ടത്. സ്കൂളിലെ പാര്ക്കില് ആടിന്റെ അവശിഷ്ടങ്ങള് കണ്ടെത്തി. കഴിഞ്ഞ ഏതാനും ആഴ്ച്ചകളായി സ്കൂളിന് സമീപം പുലിയുടെ സാന്നിധ്യം ഉള്ളതായി നാട്ടുകാര് പറയുന്നു.
