ആവശ്യത്തിന് വാക്സിൻ ലഭിക്കാത്തത് വലിയ പ്രതിസന്ധിയാണെന്ന് ആരോഗ്യമന്ത്രി കെ.കെ. ശൈലജ. ലോക്ഡൗണിന് സമാനമായ നിയന്ത്രണങ്ങളാണ് സംസ്ഥാനത്ത് പലയിടങ്ങളിലും ഉള്ളതെന്നും മന്ത്രി പറഞ്ഞു. രോഗികൾ കൂടുതലുള്ള സ്ഥലങ്ങളിലും കണ്ടെയിൻമെൻറ് സോണായി പ്രഖ്യാപിച്ച ഇടങ്ങളിലും ലോക്ഡൗൺ എന്ന രീതിയിൽ തന്നെയാണ് കാര്യങ്ങൾ. കേരളമാകെ ലോക്ഡൗൺ പ്രഖ്യാപിച്ചിട്ടില്ല എന്നേയുള്ളൂവെന്നും വാർത്താ സമ്മേളനത്തിൽ ആരോഗ്യ മന്ത്രി വ്യക്തമാക്കി. അതേസമയം, ഇടതുമുന്നണി ജനങ്ങളെ വിശ്വസിക്കുന്നുവെന്നും തുടർഭരണമുണ്ടാകുമെന്നും കെ.കെ ശൈലജ പറഞ്ഞു. ജനങ്ങൾ ഞങ്ങളോടൊപ്പം നിന്നിട്ടുണ്ട്. കാരണം സർക്കാർ ജനങ്ങൾക്കൊപ്പമായിരുന്നു. ആ വിശ്വാസം വെച്ചിട്ടാണ് കേരളത്തിലെ […]

കോവിഡ് തീവ്രവ്യാപനത്തിെൻറ പുതിയ സാഹചര്യത്തിൽ സംസ്ഥാനത്തിന് 50 ലക്ഷം ഡോസ് വാക്സിൻ കേന്ദ്രത്തിൽനിന്ന് അടിയന്തരമായി കിട്ടണമെന്ന് ആരോഗ്യ മന്ത്രി കെ.കെ. ശൈലജ. 5,80,880 ഡോസ് വാക്സിൻ മാത്രമാണ് സംസ്ഥാനത്ത് സ്റ്റോക്കുള്ളത്. കൂടുതൽ വാക്സിൻ കേന്ദ്രത്തോട് ആവശ്യപ്പെട്ടിട്ടുണ്ടെന്നും മന്ത്രി പറഞ്ഞു. ടെസ്റ്റുകളുടെ എണ്ണം വീണ്ടും വർധിപ്പിച്ചു. ഇന്നലെയും ഇന്നുമായി രണ്ടര ലക്ഷം ടെസ്റ്റ് നടത്തുകയാണ്. കേരള ജനസംഖ്യയിൽ ഇതുവരെ 11 ശതമാനം ആളുകൾക്ക് മാത്രമാണ് കോവിഡ് ബാധിച്ചത്. കേസുകളുടെ എണ്ണം കൂടിയാൽ ഓക്സിജൻ ക്ഷാമം ഉണ്ടാകുമോ എന്ന് ആശങ്കയുണ്ടെന്നും […]