പുതുപ്പാടി: താമരശ്ശേരി ചുരത്തിൽ ഓടിക്കൊണ്ടിരുന്ന കാറിന് തീപിടിച്ചു. ഇന്ന് ചൊവ്വാഴ്ച ഉച്ചക്കുശേഷം ആറാം വളവിൽ വെച്ചാണ് സംഭവം. കാർ പൂർണമായും കത്തിനശിച്ചു. പുക ഉയരുന്നത് ശ്രദ്ധയിൽപെട്ട യാത്രക്കാർ ഉടൻ തന്നെ പുറത്തിറങ്ങിയതിനാൽ രക്ഷപ്പെട്ടു. കൽപറ്റയിൽനിന്ന് അഗ്നിരക്ഷാ സേനയെത്തിയാണ് തീ അണച്ചത്. ചുരത്തിലൂടെയുള്ള ഗതാഗതം ഏറെനേരം തടസ്സപ്പെട്ടു.
മലപ്പുറം: നന്നമ്പ്ര തെയ്യാലിങ്ങലില് മാരക ആയുധങ്ങളുമായെത്തിയ സംഘം കാര് ആക്രമിച്ച് രണ്ടുകോടി രൂപ കവര്ന്നു. തെയ്യാലിങ്ങല് ഹൈസ്കൂള് പടിയില് വ്യാഴാഴ്ച രാത്രി 10മണിയോടെയാണ് സംഭവം. കൊടിഞ്ഞിയില് നിന്ന് സ്ഥലം വിറ്റ പണവുമായി കാറില് മടങ്ങുന്ന തെന്നല അറക്കല് സ്വദേശി മുഹമ്മദ് ഹനീഫ, മുഹമ്മദ് അഷ്റഫ് എന്നിവരാണ് കവര്ച്ചക്ക് ഇരയായത്. വസ്തു വിറ്റ പണമായി 1.95 കോടി രൂപയാണ് കാറുലുണ്ടായിരുന്നത്. ഇവര് സഞ്ചരിച്ച കാറിന് മുന്നില് കവര്ച്ച സംഘം കാറിട്ട് തടയുകയും വടിയും വാളും ഉപയോഗിച്ച് വാഹനം തകര്ക്കുകയായിരുന്നു. […]
തൃപ്പുണിത്തുറ പേട്ടയില് യൂബര് ടാക്സി കാര് കാനയില് വീണു. ഗൂഗിള് മാപ്പുമിട്ട് പോകുന്നതിനിടെയാണ് റോഡിനോട് ചേര്ന്നുള്ള കാനയിലേക്ക് കാര് വീണത്. പേട്ട താമരശേരി റോഡില് വെച്ചാണ് അപകടമുണ്ടായത്. കാനയും റോഡും തിരിച്ചറിയാന് കഴിയാത്ത വിധം സ്ഥലത്ത് വെള്ളം കയറിയിരുന്നു. ഇതിനിടെയാണ് സ്ഥലപരിചയമില്ലാത്ത യൂബര് ഓണ്ലൈന് ടാക്സി ഡ്രൈവര് അപകടത്തില്പ്പെട്ടത്. യാത്രക്കാരനെ ഇറക്കിയശേഷം പേട്ടയിലൂടെ വരികയായിരുന്നു. വഴിയാണെന്ന് തെറ്റിദ്ധരിച്ച് കാര് തിരിച്ചപ്പോഴാണ് കാനയിലേക്ക് വീണത്. ഉടന് തന്നെ ഡ്രൈവര് കാറില് നിന്നിറങ്ങി രക്ഷപ്പെടുകയായിരുന്നു. പുലര്ച്ചെ ആറുമണിയോടെയാണ് അപകടമുണ്ടായത്. നീണ്ട […]
ഗൂഗിള് മാപ്പ് നോക്കി ഓടിച്ച കാര് വഴിതെറ്റി തോട്ടില് വീണു. കോട്ടയം കുറുപ്പുംതറയില് ആണ് സംഭവം. കാറില് ഉണ്ടായിരുന്ന ദമ്പതികള് അത്ഭുതകരമായി രക്ഷപെട്ടു. കോട്ടയം ചെത്തിപ്പുഴ സ്വദേശി ജോസി ജോസഫ് (62) ഭാര്യ ഷീബ (58) എന്നിവര് സഞ്ചരിച്ച കാറാണ് അപകടത്തില്പ്പെട്ടത്. ഇന്നലെ രാവിലെ 11 മണിയോടെ ആയിരുന്നു അപകടം. കുറുപ്പന്തറ കടവ് തോട്ടിലാണ് അപകടമുണ്ടായത്. നാട്ടുകാരും സമീപത്തെ തടിമില്ലിലെ തൊഴിലാളികളും ചേര്ന്നാണ് രക്ഷാപ്രവര്ത്തനം നടത്തിയത്. മാന് വെട്ടത്തുള്ള ജോസിയുടെ സുഹൃത്തിന്റെ വീട്ടിലേക്ക് പോയതായിരുന്നു ഇരുവരും. റോഡില് […]
പാലക്കാട്: പൊല്പ്പുളളിയില് കാര് പൊട്ടിത്തെറിച്ചുണ്ടായ അപകടത്തില് പൊളളലേറ്റ യുവതിയുടെയും മക്കളുടെയും നില ഗുരുതരമായി തുടരുന്നു. എറണാകുളത്തെ സ്വകാര്യ ആശുപത്രിയില് ചികിത്സയിലാണ് യുവതിയും മക്കളും നിലവിലുളളത്. പൊല്പ്പുളളി കൈപ്പക്കോട് സ്വദേശി എല്സി മാര്ട്ടിന്, മക്കളായ എമിലീന മരിയ മാര്ട്ടിന്, ആല്ഫ്രഡ് പാര്പ്പിന് എന്നിവര്ക്കാണ് ഗുരുതരമായി പരിക്കേറ്റത്. മൂവര്ക്കും 90 ശതമാനത്തിലധികം പൊളളലേറ്റിട്ടുണ്ടെന്നാണ് ഡോക്ടര്മാര് പറയുന്നത്. മറ്റൊരു മകള്ക്കും അപകടത്തില് പരിക്കേറ്റിട്ടുണ്ട്. പെണ്കുട്ടിക്ക് 40 ശതമാനം പൊളളലേറ്റിട്ടുണ്ട്. എല്സിയുടെയും മക്കളുടെയും നില അതീവഗുരുതരമായി തുടരുകയാണെന്ന് ഡോക്ടര് അറിയിച്ചു.
മലപ്പുറം: തലപ്പാറയില് കാറ് ഇടിച്ചു തോട്ടില് വീണ ബൈക്ക് യാത്രക്കാരനെ കണ്ടെത്താനായില്ല.വലിയപറമ്പ് സ്വദേശി ഹാഷിറാണ് (22) ഇന്നലെ വൈകിട്ട് അപകടത്തില്പ്പെട്ടത്. ഫയര്ഫോഴ്സ്ന്റെ നേതൃത്വത്തില് തിരച്ചില് തുടരുകയാണ്. ഞായറാഴ്ച വൈകിട്ട് ആറരയോടെയാണ് അപകടമുണ്ടായത്. ഇടിയുടെ ആഘാതത്തില് യുവാവ് തോട്ടില് വീഴുകയായിരുന്നു. ഫയര്ഫോഴ്സും മുങ്ങല് വിദഗ്ധരും തിരച്ചില് നടത്തുകയാണ്.തോട്ടില് ശക്തമായ കുത്തൊഴുക്കും ശക്തമായ മഴയുമാണ് തിരച്ചിലിന് തടസ്സമാകുന്നത്. തിരൂരങ്ങാടി പൊലീസും നാട്ടുകാരും സ്ഥലത്ത് തിരച്ചില് നടത്തുന്നുണ്ട്.
കോഴിക്കോട് ഡിവൈഡറില് ഇടിച്ച് കാര് കത്തി. അറപ്പുഴ പാലത്തിന് സമീപം ദേശീയപാതയില് ആയിരുന്നു അപകടം. അപകടത്തില് പരുക്ക് പറ്റിയ കാറിലുണ്ടായിരുന്നയാളെ ആശുപത്രിയിലേക്ക് മാറ്റി. ഇന്ന് പുലര്ച്ചെ 5 മണിയോടെയായിരുന്നു സംഭവം. ഡിവൈഡറില് ഇടിച്ച കാറിന് തീപിടിക്കുകയായിരുന്നു. കാറില് ഉണ്ടായിരുന്ന കോഴിക്കോട് പയിമ്പ്ര സ്വദേശി ജയചന്ദ്രനെ പരുക്കുകളോടെ ആശുപത്രിയിലേക്ക് മാറ്റി. ഇയാള് ഉറങ്ങിപ്പോയതാണ് അപകടകാരണമെന്നാണ് കണ്ടെത്തിയത്. അപകടത്തില് കാര് പൂര്ണമായും കത്തിനശിച്ചു. മീഞ്ചന്ത ഫയര്ഫോഴ്സ് എത്തിയാണ് തീയണച്ചത്.
കോട്ടയം: വെളിയന്നൂരില് നിയന്ത്രണം വിട്ട കാറിടിച്ച് ലോട്ടറി തൊഴിലാളി മരിച്ചു. രണ്ട് പേര്ക്ക് പരുക്കേറ്റു. മൂവാറ്റുപുഴ സ്വദേശി മാത്യു പി ജെ (65) ആണ് മരിച്ചത്. ഇന്ന് രാവിലെ എട്ട് മണിയോടെ വെളിയന്നൂര് താമരക്കാട് ആയിരുന്നു അപകടം. നിയന്ത്രം വിട്ട കാര് വഴിയാത്രികരായ മൂന്ന് പേരെ ഇടിക്കുകയായിരുന്നു. പാലയില് നിന്നും എറണാകുളത്തേക്ക് പോയ കാറാണ് അപകടത്തില്പ്പെട്ടത്.
കോഴിക്കോട്: ചാലിയത്ത് നിന്നും ബേപ്പൂരിലേക്ക് പോകാന് കാര് ജങ്കാറില് കയറ്റുന്നതിനിടെ നിയന്ത്രണം തെറ്റി ചാലിയാര് പുഴയില് വീണു. കാറിലുണ്ടായിരുന്ന ഡ്രൈവര് ഉള്പ്പെടെയുള്ള ഏഴുപേര്ക്ക് നിസാര പരിക്കുകളോടെ രക്ഷപ്പെട്ടു. ബുധനാഴ്ച വൈകുന്നേരെ ആറുമണിയോടെയാണ് സംഭവം. പരപ്പനങ്ങാടി ചെട്ടിപ്പടി സ്വദേശി കുഴിക്കാട്ട മുഹമ്മദ് ഹനീഫയും കുടുംബവുമാണ് കാറിലുണ്ടായിരുന്നത്. ജങ്കാറിലേക്ക് കയറാനായി പിറകോട്ടെടുത്ത കാര് നിയന്ത്രണം വിട്ട് തലകീഴായി പുഴയില് ചെന്ന് പതിക്കുകയായിരുന്നു. നാട്ടുകാരും കോസ്റ്റല് പൊലീസും ചേര്ന്ന് ഇവരെ രക്ഷപ്പെടുത്തി സമീപത്തെ സ്വകാര്യ ആശുപത്രിയില് പ്രവേശിപ്പിച്ചു. മീഞ്ചന്തയില് നിന്നും ഫയര്ഫോഴ്സ് […]
തൃശൂര്: തൃശൂര് പേരാമംഗലത്ത് കാറിന്റെ ചില്ല് തകര്ത്ത് ഏഴ് ലക്ഷത്തോളം രൂപ കവര്ന്നു. ചൊവ്വാഴ്ച രാത്രി ഒമ്പതരയോടെ ആയിരുന്നു സംഭവം. തൃശ്ശൂരിലെ എഎസ് ട്രേഡേഴ്സ് സ്ഥാപനത്തിലെ ജീവനക്കാരന് പേരാമംഗലം സ്വദേശി കടവി ജോര്ജ്ജിന്റെ വാഹനത്തില് നിന്നാണ് മോഷ്ടാവ് പണം കവര്ന്നത്. രാത്രി കടയടച്ചതിനുശേഷം വീട്ടിലേക്ക് വരുന്നതിനിടെ രാത്രി ഒമ്പതരയോടെ പേരാമംഗലം പള്ളിയില് പ്രാര്ത്ഥിക്കാനായി പോയി തിരികെ വന്നപ്പോഴാണ് കാറിന്റെ ചില്ല് തകര്ത്ത് പണം മോഷ്ടിച്ച വിവരം ജോര്ജ്ജ് അറിയുന്നത്. എഎസ് ട്രേഡേഴ്സ് സ്ഥാപനം ഉടമ സ്ഥലത്ത് ഇല്ലാത്തതിനെ […]
