ഡല്ഹിക്ക് പിന്നാലെ ജയ്പൂരിലെ സ്കൂളിലും ബോംബ് ഭീഷണി; വിദ്യാര്ഥികളെയും ജീവനക്കാരെയും ഒഴിപ്പിച്ചു
ജയ്പൂര്: ഡല്ഹിക്ക് പിന്നാലെ രാജസ്ഥാനിലെ ജയ്പൂരിലെ സ്കൂളിലും ബോംബ് ഭീഷണി. ഇമെയില് വഴിയാണ് ഭീഷണി സന്ദേശം ലഭിച്ചത്. വിദ്യാര്ഥികളെയും ജീവനക്കാരെയും ഒഴിപ്പിച്ചതായും ഡോഗ് സ്ക്വാഡുകളും സ്കൂളുകളില് എത്തിയിട്ടുണ്ടെന്നും പൊലീസ് അറിയിച്ചു. സെന്റ് തെരേസാസ് സ്കൂള്, എംപിഎസ് സ്കൂള്, വിദ്യാശ്രമം സ്കൂള്, മനക് ചൗക്ക് സ്കൂള് എന്നീ നാല് സ്കൂളുകള്ക്കാണ് ഭീഷണി സന്ദേശം ലഭിച്ചത്. ഭീഷണി സന്ദേശങ്ങള് ഇമെയില് മുഖേനയാണ് ലഭിച്ചതെന്നും സന്ദേശങ്ങളുടെ ഉറവിടം കണ്ടെത്താനുള്ള ശ്രമത്തിലാണ് ജയ്പൂര് പൊലീസ് കമ്മീഷണര് ബിജു ജോര്ജ് ജോസഫ് പറഞ്ഞു.
