‘വിക്രം’ സിനിമയ്ക്ക് ശേഷം ലോകേഷ് കനകരാജിന്റെ സംവിധാനത്തിൽ വിജയ് നായകനായി ഒരുങ്ങുന്ന ചിത്രം ളപതി 67 ല് അണിനിരക്കുന്നത് വമ്പൻ താരങ്ങളാണ്.ബോളിവുഡ് താരം സഞ്ജയ് ദത്തിന് പുറമെ തെന്നിന്ത്യയിലെ ഒരു വമ്പന് താരനിര തന്നെ സിനിമയുടെ ഭാഗമാകും. തണ്ണീര്മത്തന് ദിനങ്ങളിലൂടെ ശ്രദ്ധേയനായ മലയാളി താരം മാത്യു തോമസ് ദളപതി 67ല് അഭിനയിക്കുന്നുണ്ട്. കൂടാതെ തമിഴകത്തിന്റെ ആക്ഷൻ കിങ് അര്ജുന്, സംവിധായകരായ ഗൗതം മേനോന്, മിഷ്കിന്, ഡാന്സ് മാസ്റ്റര് സാന്ഡി, നടന് മന്സൂര് അലിഖാന് നടി പ്രിയാ ആനന്ദ് എന്നിവരും ചിത്രത്തിന്റെ ഭാഗമാകും.’ലോകേഷ് കനകരാജ് സംവിധാനത്തിൽ വിജയ് സാറിന്റെ സിനിമയിൽ അഭിനയിക്കുന്നത് തന്നെ വലിയ കാര്യം. തമിഴിൽ ഇതിലും മികച്ച ഒരു അരങ്ങേറ്റം വേറെ കിട്ടാനില്ല’, എന്നാണ് മാത്യു തോമസ് കുറിച്ചത്.
ഫെബ്രുവരി മൂന്നിന് സിനിമയുടെ ഒരു പ്രൊമൊ വിഡിയോ പുറത്തുവിടുമെന്നും സൂചനകളുണ്ട്. സിനിമയുടെ ചിത്രീകരണം ഫെബ്രുവരി ഒന്നിന് കശ്മീരില് ആരംഭിക്കും. കമലഹാസനെ നായകനാക്കി ഒരുക്കിയ വിക്രത്തിന് ശേഷം ലോകേഷ് കനകരാജ് ഒരുക്കുന്ന ചിത്രമാണിത്. സെവന് സ്ക്രീന് സ്റ്റുഡിയോസിന്റെ ബാനറില് എസ്.എസ് ലളിത് കുമാറാണ് ചിത്രം നിര്മിക്കുന്നത്. ജഗദീഷ് പളനിസ്വാമിയാണ് സഹനിര്മാണം. അനിരുദ്ധ് ആണ് സംഗീതം. വാരിസിനും മാസ്റ്ററിനും ശേഷം സെവന് സ്ക്രീന് സ്റ്റുഡിയോസ് നിര്മിക്കുന്ന ചിത്രമാണ് ദളപതി 67. മനോജ് പരമഹംസയാണ് ഛായാഗ്രഹണം. അന്ബറിവാണ് സംഘട്ടനം. എഡിറ്റിങ് ഫിലോമിന് രാജ്.
